மேட்டூர் அணையின் நீர்மட்டம் குறைந்தது!

தமிழகத்தின் காவிரி டெல்டா மாவட்ட விவசாயிகள் பெரிதும் நம்பியுள்ள, 120 அடி உயரம் கொண்ட மேட்டூர் அணையின் நீர்மட்டம் 71.21 அடியாக உள்ளது.

மேட்டூர் அணைக்கு நீர்வரத்து நேற்று காலை நிலவரப்படி வினாடிக்கு 555 கன அடியாக வந்து கொண்டிருந்த நிலையில், இன்று காலை நிலவரப்படி 544 கன அடியாக நீர்வரத்து சற்று குறைந்துள்ளது. அணையின் நீர்மட்டம் 71.23 அடியிலிருந்து 71.21 அடியாக குறைந்துள்ளது.

அணையில் தற்போது 33.74 டி.எம்.சி தண்ணீர் இருப்பு உள்ளது. குடிநீர் தேவைக்காக அணையிலிருந்து 600 கன அடி தண்ணீர் திறக்கப்பட்டு வருகிறது.

அணைக்கு வரும் நீரின் அளவைவிட, அணையிலிருந்து வெளியேற்றப்படும் நீரின் அளவு அதிகமாக உள்ளதால், அணையின் நீர்மட்டம் குறைந்து வருகிறது.