ஐந்து பேர் ஆண்கள் ஹாக்கி உலகக்கோப்பை போட்டியில் இந்திய அணி 13-0 என்ற கோல் கணக்கில் அபார வெற்றி பெற்றுள்ளது.
ஓமன் தலைநகர் மஸ்கட்டில் ஐந்து பேர் ஆண்கள் ஹாக்கி உலகக்கோப்பை போட்டி நடைபெற்று வருகிறது. இதில் 16 நாடுகள் பங்கேற்றுள்ளன. அந்த நாடுகள் நான்கு பிரிவுகளாக பிரிக்கப்பட்டுள்ளது.
லீக் சுற்றில் ஒவ்வொரு அணியும் தங்களது பிரிவில் உள்ள மற்ற அணிகளுடன் தலா 1 முறை மோதும். லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் காலிறுதிக்கு தகுதி பெறும்.
இதில் இந்தியா ‘பி’பிரிவில் எகிப்து, சுவிட்சர்லாந்து மற்றும் ஜமைக்கா அணிகளுடன் இடம்பெற்றுள்ளது. இந்திய அணி தொடக்க நாளான நேற்று 2 லீக் போட்டிகளில் விளையாடியது.
முதலாவது போட்டியில் சுவிட்சர்லாந்து அணிக்கு எதிராக வெற்றியும், 2 வது போட்டியில் எகிப்து அணிக்கு எதிராக தோல்வியும் கண்டிருந்தது.
இந்நிலையில் இந்திய அணி தனது கடைசி லீக் போட்டியில் ஜமைக்காவுடன் இன்று விளையாடியது. இதில் கோல் மழை பொழிந்த இந்திய அணி 13-0 என்ற கோல் கணக்கில் ஜமைக்காவை வீழ்த்தியது.
இந்த வெற்றியின் மூலம் இந்தியா காலிறுதிக்கு தகுதி பெற்றுள்ளது.
