புரோ ஹாக்கி லீக் தொடர் தொடரில் விளையாடவுள்ள இந்திய ஹாக்கி அணியின் அறிவிப்பு வந்துள்ளது.
5-வது புரோ ஹாக்கி லீக் தொடர் 9 அணிகளுக்கு இடையே பல்வேறு நாடுகளில் நடைபெறவுள்ளது. இந்த தொடரின் இரண்டு சுற்று லீக் போட்டிகள் ஒடிசா மாநிலத்தில் உள்ள புவனேஷ்வரில் வரும் 10ஆம் தேதி முதல் 16 ஆம் தேதி வரை நடைபெறவுள்ளது.
அதேபோல் ரூர்கேலாவில் 19 ஆம் தேதி முதல் 25 ஆம் தேதி வரை நடைபெறவுள்ளது. மேலும் இந்த தொடரில் இந்திய அணி ஆஸ்திரேலியா, நெதர்லாந்து, ஸ்பெயின், அயர்லாந்து ஆகிய அணிகளுடன் தலா 2 முறை விளையாடவுள்ளது.
இந்திய அணி தனது முதலாவது லீக் போட்டியை வருகின்ற 10 ஆம் தேதி விளையாடவுள்ளது. இதில் இந்தியா ஸ்பெயின் அணியை எதிர்கொள்ளவுள்ளது.
இந்நிலையில் இந்த தொடருக்கான இந்திய ஹாக்கி அணி நேற்று அறிவிக்கப்பட்டது. இதில் கேப்டனாக ஹர்மன்பிரீத் சிங்கும், துணை கேப்டனாக ஹர்திக் சிங்கும் நியமிக்கப்பட்டுள்ளனர்.
இந்திய ஹாக்கி அணி :
கோல் கீப்பர்கள்: ஸ்ரீஜேஷ், கிஷான் பகதூர் பதாக்.
பின்கள வீரர்கள்: ஜர்மன்பிரீத் சிங், சுமித், ஜூக்ராஜ் சிங், அமித் ரோஹிதாஸ், ஹர்மன்பிரீத் சிங் (கேப்டன்), வருண் குமார், சஞ்சய், விஷ்ணுகாந்த் சிங்.
நடுகள வீரர்கள்: ஹர்திக் சிங் (துணை கேப்டன்), விவேக் சாகர் பிரசாத், மன்பிரீத் சிங், நீலகண்ட ஷர்மா, ஷாம்ஷெர் சிங், ராஜ்குமார் பால், ரபிசந்திரா சிங் மொய்ராங்தெம்.
முன்கள வீரர்கள்: லலித் குமார் உபாத்யாய், மன்தீப் சிங், குர்ஜந்த் சிங், சுக்ஜீத் சிங், அபிஷேக், ஆகாஷ்தீப் சிங், அரைஜீத் சிங் ஹூன்டால்.
