பிரதமர் நரேந்திர மோடியை சந்தித்த பிரபல டென்னிஸ் வீரர்!

ஆஸ்திரேலிய ஓபன் டென்னிஸ் ஆண்கள் இரட்டையர்  பிரிவில் கிராண்ட்ஸ்லாம் பட்டம் வென்ற இந்திய வீரர் ரோகன் போபண்ணா பாரத பிரதமர் மோடியை சந்தித்துள்ளார்.

ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்றது. இந்த தொடரில் ஆண்கள் இரட்டையர் பிரிவு இறுதிப்போட்டியில் இந்திய வீரர் ரோகன் போபண்ணா – மேத்யூ எப்டென் இணை சாம்பியன் பட்டம் வென்றது.  இதன் மூலம் அதிக வயதில் ‘கிராண்ட்ஸ்லாம்’ பட்டம் வென்ற வீரர் என்ற சாதனையை 43 வயது இந்திய வீரர் ரோகன் போபண்ணா படைத்தார்.

இதையடுத்து அவருக்கு வாழ்த்துகள் குவிந்து வருகின்றன. இந்த நிலையில், பாரத பிரதமர் மோடியை நேரில் சந்தித்து ரோகன் போபண்ணா வாழ்த்து பெற்றுள்ளார்.  டெல்லியில் பிரதமர் மோடியை சந்தித்த அவர், ‘கிராண்ட்ஸ்லாம்’ வெற்றிக் கோப்பையை காண்பித்தார்.

அப்போது போபண்ணாவை பிரதமர் மோடி பாராட்டி மகிழ்ந்தார். இது தொடர்பான புகைப்படங்களை போபண்ணா தனது சமூக வலைதள பக்கத்தில்  பகிர்ந்துள்ளார்.  மேலும் அவர், ” பிரதமர் மோடியை சந்திக்கும் வாய்ப்பு எனக்கு கிடைத்தது. இது மிகவும் அரிதானது. என்னை உலக நம்பர் 1  வீரராகவும், ஆஸ்திரேலிய ஓபன் கிராண்ட்ஸ்லாம் சாம்பியனாகவும் வழிவகுத்த ராக்கெட்டினை வழங்குவதில் பெருமை. உங்களது பண்பு எனக்கு அதீத ஊக்கம் தருகிறது” என ரோஹன் போபண்ணா பதிவிட்டுள்ளார்.

I had the privilege to meet our honourable Prime Minister Modi ji today. This acknowledgement is very humbling & it was my honour to present the very racket that led me to become World no. 1 and the AO grand slam champion. Your grace has left me inspired & encouraged. @PMOIndia pic.twitter.com/R01Ae00RrR

— Rohan Bopanna (@rohanbopanna) February 2, 2024