கேலோ இந்தியா குளிர்கால விளையாட்டுப் போட்டிகளின் நான்காவது சீசன் முதல் பகுதியின் ஹாக்கி பிரிவில் இந்திய ராணுவம் அணி வெற்றி பெற்றது.
கேலோ இந்தியா குளிர்கால விளையாட்டுப் போட்டிகளின் நான்காவது சீசன் தற்போது நடைபெற்று வருகிறது. இதில் முதல் பகுதி பிப்ரவரி 2-6 முதல் லடாக்கில் நடைபெற்றது.
இதில் ஐஸ் ஸ்பீட் ஸ்கேட்டிங் மற்றும் ஐஸ் ஹாக்கி விளையாட்டு போட்டிகள் நடைபெற்றது. இந்த போட்டிகளின் இறுதி போட்டியானது நேற்று நடைபெற்றது.
அதில் ஐஸ் ஆண்கள் ஹாக்கி பிரிவில் பிரிவில் ITBP மற்றும் இந்திய ராணுவம் அணிகள் விளையாடின. இதில் இந்திய ராணுவ அணி 3-1 என்ற கோல் ITBP அணியை வீழ்த்தி வெற்றி பெற்றது.
அதேபோல் பெண்கள் ஐஸ் ஹாக்கி இறுதிப்போட்டி நேற்று நடைபெற்றது. இதில் லடாக் மற்றும் ITBP அணிகள் விளையாடின. இதில் ITBP பெண்கள் அணி 4 கோல் அடித்து தங்க பதக்கம் வென்றது.
ஐந்து நாட்கள் நீடித்த இந்த விளையாட்டுப் போட்டியில் மகாராஷ்டிரா 6 தங்கம், 8 வெள்ளி, 6 வெண்கலம் என 20 பதக்கங்களுடன் பதக்கப் பட்டியலில் முதலிடத்தைப் பிடித்தது.
கர்நாடகா 6 தங்கம், 2 வெள்ளி, 8 வெண்கலம் என 16 பதக்கங்களுடன் பதக்கப் பட்டியலில் இரண்டாவது இடத்தைப் பிடித்துள்ளது.
மொத்தம் 15 பதக்கங்களுடன், போட்டியை நடத்தும் லடாக் மூன்றாவது இடத்தில் உள்ளது.
