உதகையை அடுத்த லவ் டேல் என்னும் இடத்தில் நடந்த மண் சரிவில் சிக்கி 6 பேர் உயிரிழந்தனர். மொத்தமாக 8 பேர் சிக்கிய நிலையில் ஒருவர் மீட்கப்பட்டுள்ளார். 6 பேர் பலியான நிலையில் ஒருவரை தேடும் பணி தீவிரமாக நடைபெற்று வருகிறது.
நீலகிரி மாவட்டம் உதகையை அடுத்த லவ் டேல் என்னும் பகுதியில் தனியாருக்கு சொந்தமான கட்டுமான பணிகள் தொடர்ந்து பல வாரங்களாக நடைபெற்று வருகிறது.
இந்த இடமானது நிலச்சரிவு அபாயம் மிக்க இடம் என பலமுறை அங்கு இருப்பவர்கள் புகார் கூறிய நிலையில், அந்த பணிகள் தொடர்ந்து நடைபெற்று வந்தது.
இந்த நிலையில் காலையில் 10க்கும் மேற்பட்டோர் தடுப்புச் சுவர் அமைத்த போது மண் சரிவு ஏற்பட்டு விபத்து நிகழ்ந்தது. அந்த சமயத்தில் 8 பேர், மண்ணில் புதைந்தனர். இதனையடுத்து காவல்துறையினர் தீயணைப்பு துறையினருக்கு உடனடியாக தகவல் தெரிவிக்கப்பட்டது.
இந்த தகவலையடுத்து அங்கு வந்த தீயணைப்பு துறையினர் ஜேசிபி இந்திரங்கள், அதிநவீன இயந்திரங்களைக் கொண்டு மீட்கும் பணியில் ஈடுபட்டனர். அப்போது மண்ணில் புதைந்த 6 நபர்கள் மீட்கப்பட்டு மருத்துவமனையில் அனுமதிக்கப்பட்டனர்.
இதில் 6 பேர் பலியானதாக தெரிவிக்கப்பட்டது. கட்டுமான பணியில் ஈடுபட்டிருந்த தொடர்ந்து ஒருவர் சடலமாக மீட்கப்பட்டார். இந்த மண் சரிவில் மொத்தம் 6 பேர் பலியாகியுள்ளனர். இதில் 5 பெண்கள், ஒரு ஆண் அடங்கும். மேலும் 2 பேர் காயங்களுடன் மீட்கப்பட்டுள்ளனர். தொடர்ந்து மீட்பு பணியில் காவல்துறை, தீயணைப்பு துறையினர் தீவிரமாக ஈடுபட்டு வருகின்றனர்.
