Gmail, Google Photos, Drive மற்றும் பலவற்றில் கூடுதல் கிளவுட் சேமிப்பகத்திற்கான ஆல் இன் ஒன் சப்ஸ்கிரிப்ஷன் சேவையான Google One, சமீபத்தில் அதன் 100 மில்லியன் சந்தாதாரர்களைக் கடந்தது.
தொழில்நுட்ப நிறுவனமான கூகுள் ஜெமினி அட்வான்ஸ்டு அதன் மிக சக்திவாய்ந்த ஜெமினி அல்ட்ரா எனும் செயற்கை நுண்ணறி உதவியாளரை மீண்டும் கொண்டுவந்துள்ளது.
அதன் சப்ஸ்கிரிப்ஷன் Google One உடன் இணைக்கப்பட்டுள்ளது. மேலும் இது Google One சந்தாதாரர்களின் விரைவான வளர்ச்சிக்கு உதவியுள்ளது . இதுகுறித்து கூகுளின் தேடுபொறி தயாரிப்பாளர் கூறியதாவது, ஜெமினி அட்வான்ஸ்ட் விரைவில் அதன் பிற சேவைகளுக்கு AI திறன்களைக் கொண்டுவரும் என்று தெரிவித்தார்.
Google மற்றும் Alphabet இன் CEO சுந்தர் பிச்சை, எக்ஸ் தலத்தில் தெரிவித்துள்ளார். அதில் “நாங்கள் 100M Google One சந்தாதாரர்களைக் கடந்துள்ளோம்! ஜெமினி அட்வான்ஸ்டு போன்ற AI அம்சங்களை வழங்கும் எங்களின் புதிய AI பிரீமியம் திட்டத்துடன் அந்த வேகத்தை அதிகரிக்க ஆவலுடன் காத்திருக்கிறோம்.
கூடுதலாக, Google One சப்ஸ்கிரிப்ஷனின் ஒரு பகுதியாக இருக்கும் Gmail, Docs மற்றும் பிற சேவைகளும் AI அடிப்படையிலான அம்சங்களைப் பெறும் என்பதையும் அவர் வெளிப்படுத்தினார்.
2021ல் Google Photos தனது இலவச கிளவுட் சேமிப்பு சலுகையை நீக்கியதால், பயனர்கள் இந்த பணம் செலுத்தும் சப்ஸ்கிரிப்ஷனை பயன்படுத்துவதற்கு தள்ளப்பட்டனர். இதனால் கூகிள் ஒன் சப்ஸ்கிரிப்ஷன் எண்ணிக்கை கூடியது.
குறிப்பாக இலவச வரம்பை மீறிய 15ஜிபி டேட்டாவை தாண்டிய பயனர்களுக்கு இது அவசியமானது. இருப்பினும், நான்கு ஆண்டுகளுக்குள் 100 மில்லியனுக்கும் அதிகமான சந்தாதாரர்களைப் பெற்றிருப்பது Google One இன் மதிப்பை உயர்த்தியது.
நிறுவனத்தின் YouTube கட்டணச் சந்தாக்களுடன் ஒப்பிடும்போது, யூடியூப் பிரீமியம் சந்தாதாரர்கள் மற்றும் யூடியூப் மியூசிக் சந்தாதாரர்கள் ஆகிய இருவரையும் உள்ளடக்கிய பிளாட்ஃபார்மில் கூகுள் சமீபத்தில் 100 மில்லியன் சந்தாதாரர்களை எட்டியது.
இந்தியாவில், Google One மாதாந்திர சப்ஸ்கிரிப்ஷன் 100 ஜிபி சேமிப்பிடத்திற்கு ரூ .130 பெறுகிறது. இதில் சில AI அடிப்படையிலான புகைப்பட எடிட்டிங் அம்சங்களும் அடங்கும், ஆனால் எதுவும் ஜெமினியால் இயக்கப்படவில்லை என்பது குறிப்பிடத்தக்கது. 2TB சேமிப்பு இடத்துடன் கூடிய பிரீமியம் திட்டத்தின் விலை ஒரு மாததிற்கு ரூ. 650, அதேசமயம் Google One AI பிரீமியம் மாதம் ரூ 1,950 ஆகும்.
