நம்பர் 7-யின் முக்கியத்துவம் என்ன ? : தோனி பதில்!

இந்திய கிரிக்கெட் அணியின் முன்னாள் கேப்டன் தோனி அவர்கள் நம்பர் 7-யின் முக்கியத்துவத்தை பற்றி கூறியுள்ளார்.

இந்திய கிரிக்கெட் அணியின் முன்னாள் கேப்டன் தோனி பல சாதனைகளை படைத்துள்ளார். கிரிக்கெட் விளையாட்டில் மட்டும் இல்லாமல் அனைவரிடம் அன்பாக பழகும் ஒரு விளையாட்டு தனமான சுட்டியாகவும் இருக்கிறார்.

தோனி என்று சொன்னாலே அனைவருக்கும் நினைவில் வருவது நம்பர் 7 தான். ஏனெனில் அவரின் ஜெர்சி நம்பர் 7. கடந்த டிசம்பர் மாதம் ஜெர்சி எண் 7-க்கு ஓய்வு கொடுத்து பிசிசிஐ அறிவித்தது.

அதேபோல் சமூக வலைத்தளத்தில் எங்கு பார்த்தாலும் 7-யை மையமாக வைத்து ‘Thala for a reason’ என்று ரசிகர்கள் கொண்டாடி வந்தனர்.

இந்நிலையில் தோனி நிகழ்ச்சி ஒன்றில் கலந்து கொண்டார். அப்போது அவரிடம் நிரூபர் ஒரு கேள்வி எழுப்பினார்.

MS Dhoni talking about the importance of "7" in his life.

– A witty reply from Thala. 😄👌pic.twitter.com/vnFVrD2YGk

— Johns. (@CricCrazyJohns) February 11, 2024

அந்த கேள்வி என்னவென்றால், ஏன் நம்பர் 7 உங்களுக்கு முக்கியம்..?. இத்தனை மணிக்குள் வீட்டிற்கு வரவேண்டும் என உங்கள் பெற்றோர் கூறிய நேரமா அது..? என கேள்வி எழுப்பினார்.

அதற்கு பதில் அளித்து தோனி கூறியதாவது, “இல்லை. நான் உலகிற்கு வருவேன் என பெற்றோர் முடிவு செய்த நாள்தான் 7. ஜூலை 7ம் தேதி பிறந்தேன். ஜூலை ஆண்டின் 7வது மாதம்.

நான் பிறந்த வருடம் 1981 இதில் 8-1 = 7. அதனால் வெளியில் எந்த எண் வேண்டும் என யாராவது கேட்டால் 7 என சொல்வது எளிதாக இருந்தது” என கூறினார்.