ஐசிசி மகளிர் ஒரு நாள் கிரிக்கெட் தரவரிசை வெளியீடு!

ஐசிசி ஒரு நாள் மகளிர் கிரிக்கெட் தரவரிசையில் இந்திய அணியின் ஸ்மிருதி மந்தனா 4வது இடத்திற்கு முன்னேறி உள்ளார்.

சர்வதேச கிரிக்கெட் கவுன்சில் மகளிர் ஒருநாள் கிரிக்கெட்டுக்கான தரவரிசை பட்டியலை இன்று வெளியிட்டுள்ளது.

இதில் பேட்டிங் தரவரிசையில் இந்திய அணியின் முன்னணி வீராங்கனை ஸ்மிருதி மந்தனா 696 புள்ளிகளுடன் 4வது இடத்திற்கு முன்னேறி உள்ளார்.

இதில் இங்கிலாந்து வீராங்கனை நடாலி ஸ்கிவர்-பிரண்ட் 807 புள்ளிகளுடன் முதல் இடத்தில் உள்ளார். இலங்கை அணியின் சமாரி அத்தபட்டு 736 புள்ளிகளுடன் இரண்டாவது இடத்தில் உள்ளார்.

ஆஸ்திரேலியாவின் பெத் மூனி 717 புள்ளிகளுடன் மூன்றாம் இடத்திலும் உள்ளார். ஹர்மன்ப்ரீத் கவுர் 639 புள்ளிகளுடன் 10வது இடத்தில் உள்ளார்.

Fight for the No. 1 ODI bowler intensifies in the latest ICC Women's ODI Player Rankings 🔥

Read on 👇

— ICC (@ICC) February 13, 2024

பந்துவீச்சாளர்கள் தரவரிசையில் இங்கிலாந்தின் சோபி எக்லெஸ்டோன் முதல் இடத்திலும், தென் ஆப்பிரிக்காவின் மேரிசான் கேப் 2ம் இடத்திலும், ஆஸ்திரேலியாவின் மேகன் ஸ்கட் 3ம் இடத்திலும் உள்ளனர். இந்திய அணியின் தீப்தி சர்மா ஒரு இடம் சரிந்து 4வது இடத்தில் உள்ளார்.

அதேபோல் ஒரு நாள் கிரிக்கெட் ஆல்ரவுண்டர்கள் தரவரிசையில் தென் ஆப்பிரிக்காவின் மேரிசான் கேப் முதல் இடத்திலும், இங்கிலாந்தின் நடாலி ஸ்கிவர்-பிரண்ட் 2ம் இடத்திலும், வெஸ்ட் இண்டீசின் ஹேலி மேத்யூஸ் 3ம் இடத்திலும், நியூசிலாந்தின் அமெலியா கெர் 4ம் இடத்திலும், இந்தியாவின் தீப்தி சர்மா 5ம் இடத்திலும் உள்ளனர்.