வெயில் கொடுமை – வானிலை ஆய்வு மையம் சொல்வது என்ன?

இன்று கடும் வெயில் வாட்டும் எனச் சென்னை வானிலை ஆய்வு மையம் தெரிவித்துள்ளது.

இது தொடர்பாக, சென்னை வானிலை ஆய்வு மையம் வெளியிட்டுள்ள செய்தி குறிப்பில், 16 -ம் தேதியான இன்று தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.

ஓரிரு இடங்களில் அதிகபட்ச வெப்பநிலை இயல்பை விட 2 முதல் 3 டிகிரி செல்சியஸ் அதிகமாக இருக்கக்கூடும். தமிழகத்தில் ஓரிரு இடங்களில் அதிகாலை வேளையில் லேசான பனிமூட்டம் காணப்படும்.

இதனிடையே, 21.02.2024 வரை தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும். அதிகபட்ச வெப்பநிலை 32 டிகிரி செல்சியஸ்-ம் குறைந்தபட்ச வெப்பநிலை 22-23 டிகிரி செல்சியஸ் இருக்கக்கூடும். குறிப்பாக, இன்று (பிப்.16-ம் தேதி) கடும் வெயில் காணப்படும் எனத் தெரிவிக்கப்பட்டுள்ளது.