உலக டெஸ்ட் சாம்பியன்ஷிப் புள்ளி பட்டியல் – இந்தியா எந்த இடம் ?

உலக டெஸ்ட் சாம்பியன்ஷிப் புள்ளி பட்டியலில் இந்தியா இரண்டாவது இடத்திற்கு முன்னேறியுள்ளது.

இந்தியா – இங்கிலாந்து அணிகளுக்கு இடையேயான 3வது டெஸ்ட் போட்டி பிப்ரவரி 15 ஆம் தேதி ராஜ்கோட் மைதானத்தில் நடைபெற்றது.

இதில் டாஸ் வென்ற இந்திய அணியின் கேப்டன் ரோகித் சர்மா பேட்டிங் தேர்வு செய்தார். அதன்படி முதலில் பேட்டிங் செய்த இந்திய அணி 445 ரன்களை எடுத்தது.

இதைத்தொடர்ந்து பேட்டிங் செய்த இங்கிலாந்து அணி 319 ரன்கள் எடுத்து ஆல் அவுட் ஆனது. இதை தொடர்ந்து இரண்டாவது இன்னிங்ஸ் தொடங்கியது. பேட்டிங் செய்த இந்திய அணி 4 விக்கெட்கள் இழப்பிற்கு 430 ரன்களை எடுத்து டிக்ளேர் செய்துள்ளது.

இதை தொடர்ந்து 557 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி 122 ரன்களில் ஆட்டமிழந்தது. இந்திய அணியில் அதிகபட்சமாக ஜடேஜா 5 விக்கெட்களை வீழ்த்தியிருந்தார்.

இதன் மூலம் இந்தியா 434 ரன்கள் வித்தியாசத்தில் வரலாற்றில் முதல் முறையாக இமாலய வெற்றியை பதிவு செய்தது. இந்த வெற்றி மூலம் இந்திய அணி உலக டெஸ்ட் சாம்பியன்ஷிப் புள்ளி பட்டியில் 2வது இடத்திற்கு முன்னேறியுள்ளது. முன்னதாக இந்தியா 3வது இடத்தில் இருந்தது.

உலக டெஸ்ட் சாம்பியன்ஷிப் புள்ளி பட்டியல் :

1. நியூசிலாந்து – 75%
2. இந்தியா – 59.52%
3. ஆஸ்திரேலியா – 55%
4. வங்கதேசம் – 50%
5. பாகிஸ்தான் – 36.66%
6. மேற்கிந்திய அணி -33.33 %
7. தென் ஆப்பிரிக்கா – 25.00%
8. இங்கிலாந்து – 21.87%
9. இலங்கை – 00.00