இந்தியாவில் நடைபெற்று வரும் புரோ கபடி தொடரில், நேற்றையப் போட்டியில் தமிழ் தலைவாஸ் அணி அபாரமாக விளையாடி 37 புள்ளிகள் வித்தியாசத்தில் வெற்றி பெற்றது.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
இந்த நிலையில், இன்று இரண்டு போட்டிகள் நடைபெற்றது. இதில் முதல் போட்டி இரவு 8 மணிக்கு ஹரியானாவில் நடைபெற்றது. இதில் பெங்கால் வாரியர்ஸ் – தமிழ் தலைவாஸ் விளையாடின.
இந்த போட்டியில் ஆரம்பத்தில் இருந்தே தமிழ் தலைவாஸ் அணி புள்ளிகளை குவிக்க தொடங்கின. இந்த போட்டியில் தமிழ் தலைவாஸ் அணி அபாரமாக விளையாடி 74 புள்ளிகளை பெற்று 74-37 என்ற கணக்கில் 37 புள்ளிகள் வித்தியாசத்தில் அபார வெற்றியை பதிவு செய்தது.
இந்த வெற்றியின் மூலம் புள்ளி பட்டியலில் 9வது இடத்தில் இருந்த தமிழ் தலைவாஸ் அணி 8வது இடத்திற்கு முன்னேறியுள்ளது. அதுமட்டுமின்றி தமிழ் தலைவாஸ் அணி புதிய சாதனையை படைத்துள்ளது.
அதாவது புரோ கபடி தொடரில் ஒரே போட்டியில் அதிகப்புள்ளிகளை பெட்ரா ஒரே அணி என்ற சாதனையை தமிழ் தலைவாஸ் அணி பெற்றுள்ளது.
நேற்று மற்றொரு போட்டி இரவு 9 மணிக்கு நடைபெற்றது. இதில் தபாங் டெல்லி – பெங்களூரு புல்ஸ் அணிகள் விளையாடின. இந்த போட்டியில் டெல்லி அணி 46-38 என்ற உள்ளி கணக்கில் வெற்றி பெற்றது.
