பௌர்ணமி கிரிவலத்தை முன்னிட்டு, திருவண்ணாமலைக்கு ஆயிரத்து 184 பேருந்துகள் இயக்கப்பட உள்ளது.
உலக பிரசித்தி பெற்ற பஞ்ச பூத ஸ்தலங்களில் அக்னி ஸ்தலமாகவும், நினைத்தாலே முக்தியளிக்கும் திருத்தலமாகவும் திருவண்ணாமலை அண்ணாமலையார் கோவில் உள்ளது. இக்கோவிலுக்கு தமிழகத்தின் பல்வேறு மாவட்டங்களில் இருந்தும், வெளிமாநிலங்களில் இருந்தும் ஏராளமான பக்தர்கள் தினந்தோறும் வருகின்றனர். குறிப்பாக, பௌர்ணமி நாட்களில் லட்சக்கணக்கான மக்கள் கிரிவலம் செல்வதற்காக வருகின்றனர்.
பௌர்ணமி நாட்களில் திருவண்ணாமலைக்கு வரும் பக்தர்களின் வசதிக்காக, தென்னக ரயில்வே சார்பிலும், அரசுப் போக்குவரத்துக் கழகம் சார்பிலும், சிறப்பு இரயில்கள் மற்றும் பேருந்துகள் இயக்கப்படுவது வழக்கம்.
அந்த வகையில், மாசி மாத பௌர்ணமி கிரிவலத்தையொட்டி, திருவண்ணாமலைக்கு ஆயிரத்து 184 சிறப்புப் பேருந்துகள் இயக்கப்பட உள்ளது. அதன்படி, 23-ஆம் தேதி 682 சிறப்புப் பேருந்துகளும், 24-ஆம் தேதி 502 சிறப்புப் பேருந்துகளும் தமிழ்நாடு அரசுப் போக்குவரத்துக் கழக விழுப்புரம் கோட்டத்தால் இயக்கப்படவுள்ளது.
23-ஆம் தேதி சென்னை கிளாம்பாக்கத்திலிருந்து திருவண்ணாமலைக்கு 275 சிறப்புப் பேருந்துகளும், காஞ்சிபுரத்திலிருந்து 40 சிறப்புப் பேருந்துகளும், புதுச்சேரியிலிருந்து 30 சிறப்புப் பேருந்துகளும், இயக்கப்படுகிறது.
பெங்களூரிலிருந்து 20 சிறப்புப் பேருந்துகளும், வேலூரிலிருந்து 55 சிறப்புப் பேருந்துகளும், திருச்சியிலிருந்து 50 சிறப்புப் பேருந்துகளும், சேலத்திலிருந்து 50 சிறப்புப் பேருந்துகளும், ஓசூரிலிருந்து 50 சிறப்புப் பேருந்துகளும், கிருஷ்ணகிரியிலிருந்து 20 சிறப்புப் பேருந்துகளும், தருமபுரியிலிருந்து 30 சிறப்புப் பேருந்துகளும், மற்ற வழித்தடங்களிலிருந்து 62 சிறப்புப் பேருந்துகளும் என மொத்தம் 682 பேருந்துகள் இயக்கப்படுகிறது.
24-ஆம் தேதி சென்னை கிளாம்பாக்கத்திலிருந்து 125 சிறப்புப் பேருந்துகளும், காஞ்சிபுரத்திலிருந்து 20 சிறப்புப் பேருந்துகளும், புதுச்சேரியிலிருந்து 20 சிறப்புப் பேருந்துகளும், பெங்களூரிலிருந்து 20 சிறப்புப் பேருந்துகளும், வேலூரிலிருந்து 55 சிறப்புப் பேருந்துகளும் இயக்கப்படவுள்ளது.
திருச்சியிலிருந்து 50 சிறப்புப் பேருந்துகளும், சேலத்திலிருந்து 50 சிறப்புப் பேருந்துகளும், ஓசூரிலிருந்து 50 சிறப்புப் பேருந்துகளும், கிருஷ்ணகிரியிலிருந்து 20 சிறப்புப் பேருந்துகளும், தருமபுரியிலிருந்து 30 சிறப்புப் பேருந்துகளும், மற்ற வழித்தடங்களிலிருந்து 62 என மொத்தம் 502 சிறப்புப் பேருந்துகள் திருவண்ணாமலைக்கு இயக்கப்படுகிறது.
மேலும், பயணிகள் தேவைக்கேற்ப பேருந்துகளை இயக்கவும், பேருந்து இயக்கத்தைக் கண்காணிக்கவும் தேவையான அலுவலர்கள் பணியமர்த்தப்பட்டுள்ளனர்.
