மகளிர் பிரீமியர் லீக் ( WPL ) தொடரில் நேற்றையப் போட்டியில் மும்பை இந்தியன்ஸ் அணி 4 விக்கெட்கள் வித்தியாசத்தில் வெற்றி பெற்றது.
இந்தியாவில் பெண்களுக்காக மகளிர் பிரீமியர் லீக் ( WPL ) நடைபெற்றுவருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றுள்ளன.
இதில் முதல் போட்டி நேற்று பெங்களூரு சின்னசாமி மைதானத்தில் நடைபெற்றது. இதில் மும்பை இந்தியன்ஸ் – டெல்லி கேப்பிடல்ஸ் அணிகள் விளையாடின.
இந்த போட்டியில் டாஸ் வென்ற மும்பை இந்தியன்ஸ் அணி பந்துவீச்சை தேர்வு செய்தது. அதன்படி முதலில் பேட்டிங் செய்த டெல்லி கேபிட்டல்ஸ் அணி 5 விக்கெட்கள் இழப்பிற்கு 171 ரன்களை எடுத்தது.
டெல்லி அணியில் அதிகபட்சமாக ஆலிஸ் கேப்ஸி 8 பௌண்டரீஸ் மற்றும் 3 சிக்சர்கள் என மொத்தமாக 75 ரன்களை எடுத்து ஆட்டமிழந்தார்.
அதேபோல் டெல்லி அணியின் ஜெமிமா 42 ரன்களும், மெக் லென்னிங் 31 ரன்களும் எடுத்து ஆட்டமிழந்தனர். இதனால் டெல்லி அணி 20 ஓவர்களில் முடிவில் 5 விக்கெட்கள் இழப்பிற்கு 171 ரன்களை எடுத்தது.
மும்பை அணியில் அதிகபட்சமாக நாட் ஸ்கிவர் மற்றும் அமெலியா கெர் ஆகியோர் தலா 2 விக்கெட்களை வீழ்த்தினர். அதேபோல் இஸ்மாயில் 1 விக்கெட்டை வீழ்த்தினார்.
இதைத் தொடர்ந்து 172 ரன்கள் எடுத்தால் வெற்றி என்ற இலக்குடன் மும்பை இந்தியன்ஸ் அணி களமிறங்கியது. மும்பை இந்தியன்ஸ் அணியில் தொடக்க வீராங்கனையாக களமிறங்கிய யாஸ்திகா 57 ரன்களை எடுத்து ஆட்டமிழந்தார்.
பின்னர் களமிறங்கிய நாட் ஸ்கிவர் 19 ரன்களில் ஆட்டமிழக்க, கேப்டன் ஹர்மன் ப்ரீத் 55 ரன்களை எடுத்து ஆட்டமிழந்தார். பின்னர் களமிறங்கிய அமெலியா 24 ரன்கள் எடுத்து ஆட்டமிழக்க பூஜா 1 ரன்னில் ஆட்டமிழந்தார்.
இறுதியாக கடைசி இரண்டு பந்தில் 5 ரன்கள் தேவைப்பட்டது. அப்போது 19.5 வது பந்தில் ஹர்மன் ப்ரீத் அவுட் ஆனார். பின்பு கடைசி பந்தில் சஞ்சனா களமிறங்கினார்.
கடைசி வனத்தில் 5 ரன்கள் தேவைப்பட்டது. அப்போது சஞ்சனா தோனி ஸ்டைலில் சிக்சர் அடித்து மும்பை அணியை வெற்றி பெற செய்தார்.
இதன் மூலம் மும்பை அணி 6 விக்கெட்கள் இழப்பிற்கு 173 ரன்களை எடுத்து 4 விக்கெட்கள் வித்தியாசத்தில் வெற்றி பெற்றது.
டெல்லி அணியில் அதிகபட்சமாக ஆலிஸ் கேப்ஸி மற்றும் அருந்ததி அகியோர் தலா 2 விக்கெட்களை வீழ்த்தினர். ஷிகா பாண்டே மற்றும் மரிசான் கேப் ஆகியோர் தலா 2 விக்கெட்களை வீழ்த்தினர்.
மேலும் இந்த போட்டியில் ஆட்டநாயகி விருது மும அணியில் கேப்டன் ஹர்மன் ப்ரீத்துக்கு வழங்கப்பட்டது,
