இந்தியா – இங்கிலாந்து டெஸ்ட் : இரண்டாம் நாள் முடிவு!

இங்கிலாந்துக்கு எதிரான 4வது டெஸ்ட் போட்டியில் இரண்டாம் நாள் முடிவில் இந்தியா 7 விக்கெட்கள் இழப்பிற்கு 219 ரன்களை எடுத்துள்ளது.

இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 போட்டிகள் கொண்ட டெஸ்ட் தொடரில் விளையாடி வருகிறது.

இதன் நான்காவது டெஸ்ட் போட்டி ராஞ்சியில் நேற்று தொடங்கியது. இதில் டாஸ் வென்ற இங்கிலாந்து அணி முதலில் பேட்டிங்கை தேர்வு செய்தது.

அதன்படி முதலில் பேட்டிங் செய்த இங்கிலாந்து அணி அனைத்து விக்கெட்களையும் இழந்து 353 ரன்களை எடுத்தது. இங்கிலாந்து அணியில் அதிகபட்சமாக ஜோ ரூட் 122 ரன்களை எடுத்து ஆட்டமிழக்காமல் இருந்தார்.

இந்திய அணியில் அதிகபட்சமாக ஜடேஜா 4 விக்கெட்களும், அறிமுக வீரரான ஆகாஷ் தீப் 3 விக்கெட்களும் வீழ்த்தினர்.

இதைத் தொடர்ந்து களமிறங்கிய இந்திய அணி இரண்டாம் நாள் முடிவில் 7 விக்கெட்கள் வித்தியாசத்தில் 219 ரன்களை எடுத்துள்ளது.

இதில் தொடக்க வீரராக களமிறங்கிய ஜெய்ஸ்வால் 8 பௌண்டரீஸ் 1 சிக்சர் என மொத்தமாக 73 ரன்களை எடுத்து ஆட்டமிழந்தார். சுப்மன் கில் 38 ரன்களை எடுத்து ஆட்டமிழந்தார்.

பின்னர் களமிறங்கிய ரஜத் படிதார்17 ரன்களும், சர்ப்ராஸ்கான் 14 ரன்களும், ஜடேஜா 12 ரன்களும் எடுத்து ஆட்டமிழந்தனர்.

கடைசியாக துருவ் ஜூரெல் 30 ரன்களும், குலதீப் யாதவ் 17 ரன்களும் எடுத்து களத்தில் உள்ளனர். இங்கிலாந்து அணியில் அதிகபட்சமாக சோயிப் பஷீர் 4 விக்கெட்களை வீழ்த்தியுள்ளார்.

டாம் ஹார்ட்லீ 2 விக்கெட்களும், ஆண்டர்சன் 1 விக்கெட்டும் வீழ்த்தியுள்ளனர். தற்போது இங்கிலாந்து அணி 134 ரன்கள் முன்னிலையில் உள்ளது.