மகளிர் பிரீமியர் லீக் தொடரில் இன்றையப் போட்டியில் பெங்களூரு சின்னசாமி மைதானத்தில் குஜராத் ஜெயன்ட்ஸ் மற்றும் மும்பை இந்தியன்ஸ் அணிகள் விளையாடவுள்ளன.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்றுவருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றுள்ளன.
இந்த தொடரில் மூன்றாவது போட்டி இன்று பெங்களூரு சின்னசாமி மைதானத்தில் நடைபெற்றவுள்ளது. இதில் குஜராத் ஜெயன்ட்ஸ் மற்றும் மும்பை இந்தியன்ஸ் அணிகள் விளையாடவுள்ளது.
இந்த போட்டி இரவு 7:30 மணிக்கு தொடங்கவுள்ளது. பெத் மூனி தலைமையில் களமிறங்கவுள்ள குஜராத் ஜெயன்ட்ஸ் அணி கடந்த சீசனில் தான் விளையாடிய 8 போட்டிகளில் இரண்டு வெற்றி மற்றும் 6 தோல்வியை கண்டுள்ளது.
ஹர்மன்பிரீத் கவுர் தலைமையிலான மும்பை அணி கடந்த சீசனில் 10 போட்டிகளில் விளையாடி 8 வெற்றி, 2 தோல்வியை சந்தித்தது. அதேபோல் இந்த சீசனில் விளையாடிய முதல் போட்டியிலும் மும்பை இந்தியன்ஸ் அணி வெற்றி பெற்றது.
