தமிழக பா.ஜ.க தலைவர் அண்ணாமலை மீதான வழக்கு விசாரணைக்கு உச்ச நீதிமன்றம் தடை விதித்துள்ளது.
தமிழக பா.ஜ.க தலைவர் அண்ணாமலை, இந்து மதக் கலாச்சாரத்தை அழிக்கும் நோக்கில், தீபாவளியன்று பட்டாசுகளை வெடிக்கக் கூடாது எனக் கிறிஸ்தவ மிஷனர்களின் உதவியோடு உச்ச நீதிமன்றத்தில் வழக்கு தொடரப்பட்டுள்ளது என யூடியூப் சேனல் ஒன்றில் கூறியதாகவும், அவரது இந்த பேச்சு, இரு மதத்தினரிடையே மோதலை ஏற்படுத்தும் விதமாக உள்ளதாகவும், சேலத்தைச் சேர்ந்த பியூஸ் என்பவர் சேலம் நீதிமன்றத்தில் வழக்குத் தொடர்ந்தார்.
இந்த வழக்கை தள்ளுபடி செய்யக்கோரி, சென்னை உயர்நீதிமன்றத்தில், தமிழக பாஜக தலைவர் அண்ணாமலை மனு தாக்கல் செய்தார். இந்த மனுவை சென்னை உயர் நீதிமன்றம் தள்ளுபடி செய்தது.
இந்த நிலையில், இந்த வழக்கு தொடர்பாக, தமிழக பா.ஜ.க தலைவர் அண்ணாமலை உச்ச நீதிமன்றத்தில் மனு தாக்கல் செய்தார்.
இதில், தமிழக பா.ஜ.க தலைவர் அண்ணாமலை மீதான வழக்கு விசாரணைக்கு உச்ச நீதிமன்றம் அதிரடியாகத் தடை விதித்துள்ளது.
மேலும், அண்ணாமலை கூறிய கருத்துக்கள் 153A பிரிவின்கீழ் குற்றம் ஆகாது என்று, நீதிபதி கன்னா கருத்து தெரிவித்துள்ளார்.
