வலுவான பொருளாதார அடிப்படைகள், உட்கட்டமைப்பு மேம்பாடு மற்றும் சமூக நலத் திட்டங்கள் ஆகிய மூன்றும் கடந்த பத்தாண்டுகளாக உலக வளர்ச்சியில் இந்தியாவை முன்னணிக்கு கொண்டு சென்றுள்ளன என்று மத்திய அமைச்சர் பியூஷ் கோயல் தெரிவித்துள்ளார்.
டெல்லியில் இந்திய வர்த்தகம் மற்றும் தொழில் கூட்டமைப்பு ஏற்பாடு செய்திருந்த வளர்ச்சியடைந்த பாரதம் 2047 என்ற மாநாட்டில்’ மத்திய அமைச்சர் பியூஷ் கோயல் கலந்து கொண்டு உரையாற்றினார். அவர் கூறியதாவது, நாட்டில் உற்பத்தியை ஊக்குவிக்க அரசு பல்வேறு முயற்சிகளை மேற்கொண்டு வருகிறது
2047-ஆம் ஆண்டுக்குள் இந்தியாவை வளர்ச்சியடைந்த பாரதமாக மாற்றும் முழுமையான மற்றும் விரிவான தொலைநோக்குப் பார்வைக்கு அனைவரும் ஒத்துழைப்பு வழங்க வேண்டும்.
நாட்டின் பொருளாதாரம் விரைவான வளர்ச்சிப் பாதையில் சென்று கொண்டு உள்ளது. வரவிருக்கும் ஆண்டுகளில் ஏற்றுமதியும், அதன் மூலமான வருவாயும் அதிகரிக்கும். இது நாட்டின் பொருளாதாரத்தை மேலும் உயர்த்த உதவும்.
முதலீடுகளுக்கு உகந்த நாடாக இந்தியா திகழ்கிறது. புதுப்பிக்கத்தக்க எரிசக்தி உற்பத்தித் துறையில் இந்தியா முக்கிய பங்கு வகிக்கிறது. இந்தியாவில் மோட்டார் வாகன உற்பத்தித் தொழில்துறை வேகமாக வளர்ச்சியடைந்து வருகிறது என்று கூறினார்.
