மகளிர் பிரீமியர் லீக் தொடரில் நேற்றையப் போட்டியில் ராயல் சேலஞ்சர்ஸ் பெங்களூரு அணி 8 விக்கெட்கள் வித்தியாசத்தில் வெற்றி பெற்றது.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்றுவருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் ஐந்தாவது போட்டி நேற்று பெங்களூரு சின்னசாமி மைதானத்தில் நடைபெற்றது. இதில் ராயல் சேலஞ்சர்ஸ் பெங்களூரு மற்றும் குஜராத் ஜெயன்ட்ஸ் அணிகள் விளையாடியது.
இப்போட்டியில் டாஸ் வென்ற பெங்களூரு அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த குஜராத் ஜெயன்ட்ஸ் அணி 20 ஓவர்கள் முடிவில் 7 விக்கெட்கள் இழப்பிற்கு 107 ரன்களை அடித்தது.
இதில் அதிகபட்சமாக சோஃபி மோலினக்ஸ் 3 விக்கெட்களையும், ரேணுகா சிங் 2 விக்கெட்களையும், ஜார்ஜியா 1 விக்கெட்டும் வீழ்த்தினர்.
இதன்மூலம் பெங்களூரு அணிக்கு 108 என்ற எளிய இலக்கு நிர்ணயிக்கப்பட்டது. இதை தொடர்ந்து களமிறங்கிய பெங்களூரு அணி 12வது ஓவரில் 2 விக்கெட்கள் இழப்பிற்கு 110 ரன்களை எடுத்த வெற்றி பெற்றது.
இதில் அதிகபட்சமாக ஸ்ம்ரிதி மந்தனா 43 ரன்களை எடுத்து ஆட்டமிழந்தார். சோஃபி டெவின் 6 ரன்களில் ஆட்டமிழந்தார். மேகனா 36 ரன்களை எடுத்து ஆட்டமிழக்க்மால் இருந்தார்.
எல்லிஸ் பெர்ரி 23 ரன்களை எடுத்து ஆட்டமிழக்காமல் இருந்தார். இதனால் பெங்களூரு அணி 8 விக்கெட்கள் வித்தியாசத்தில் வெற்றி பெற்றது.
இந்த போட்டியில் ஆட்டநாயகி விருது 2 விக்கெட்களை வீழ்த்திய ரேணுகா சிங் அவர்களுக்கு வழங்கப்பட்டது.
