மகளிர் பிரீமியர் லீக் டி20 கிரிக்கெட் தொடரின் இன்றையப் போட்டியில் பெங்களூரு சின்னசாமி மைதானத்தில் உ.பி. வாரியர்ஸ் – குஜராத் ஜெயன்ட்ஸ் அணிகள் விளையாடவுள்ளன.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றுள்ளன.
இந்த தொடரில் எட்டாவது போட்டி இன்று பெங்களூரு சின்னசாமி மைதானத்தில் நடைபெறவுள்ளது. இதில் உ.பி. வாரியர்ஸ் மற்றும் குஜராத் ஜெயன்ட்ஸ் அணிகள் விளையாடவுள்ளது.
இந்த போட்டி இரவு 7:30 மணிக்கு தொடங்கவுள்ளது. இதில் அலிசா ஹீலி தலைமையிலான உ.பி. வாரியர்ஸ் அணி தாங்கள் விளையாடிய மூன்று போட்டிகளில் 1 போட்டியில் வெற்றி பெற்று 3 போட்டிகளில் தோல்வியடைந்து புள்ளி பட்டியலில் நான்காவது இடத்தில் உள்ளது.
அதேபோல் பெத் மூனி தலைமையிலான குஜராத் ஜெயன்ட்ஸ் அணி தாங்கள் விளையாடிய இரண்டு போட்டிகளில் இரண்டு போட்டியிலும் தோல்வியடைந்து புள்ளி பட்டியலில் ஐந்தாவது இடத்தில் உள்ளது.
