புதுச்சேரி அமைச்சராக திருமுருகனை நியமிக்கக் குடியரசு தலைவர் திரௌபதி முர்மு ஒப்புதல் அளித்துள்ளார்.
இது தொடர்பாக, மத்திய அரசின் உள்துறை இணைச் செயலர் அசுதோஷ் அக்னிஹோத்ரி வெளியிட்ட உத்தரவில், புதுச்சேரி அமைச்சராகத் திருமுருகனை நியமிக்கக் குடியரசு தலைவர் ஒப்புதல் தந்துள்ளார். அவர் அமைச்சராகப் பதவியேற்ற நாள் முதல் இது அமலுக்கு வரும் என்று தெரிவித்துள்ளார்.
புதுச்சேரியில் அமைச்சராக இருந்த சந்திர பிரியங்கா திடீரென நீக்கப்பட்டார். இதனால், கடந்த ஐந்து மாதங்களாக அமைச்சர் பதவிக்கு யாரும் நியமிக்கப்படாமல் காலியாக இருந்து வந்தது.
இந்த நிலையில், காரைக்கால் பிராந்தியத்திற்கு முக்கியத்துவம் தரும் வகையில் என்.ஆர்.காங்கிரசைச் சேர்ந்த திருமுருகன், அமைச்சராக நியமிக்கப்பட்டுள்ளார் என்பது குறிப்பிடதக்கது.