பாரத பிரதமர் மோடி பாராட்டு :பட்டித்தொட்டி எங்கும் பிரபலமாகும் ஆர்ட்டிகிள் 370!

ஆர்ட்டிகிள் 370 ஜம்மு காஷ்மீருக்கு சிறப்பு அந்தஸ்து வழங்குவதற்காக ஏற்படுத்தப்பட்ட சட்டப்பிரிவு 370 ரத்து செய்யப்பட்டத்தை குறித்து மையமாக வைத்து எடுக்கப்பட்டுள்ளது.

ஆதித்யா சுகாஸ் ஜம்பாலே இயக்கத்தில் யாமி கெளதம், பிரியாமணி உள்ளிட்டவர்கள் நடித்துள்ள படம் தான் ஆர்ட்டிகிள் 370.

இப்படத்தை யாமி கெளதமின் கணவர் ஆதித்யா தார் மற்றும் அவரது சகோதரர் லோகேஷ் தார் இணைந்து தயாரித்துள்ளனர்.

ஹிந்தி மொழியில் தயாராகிய இந்த திரைப்படம் பிப்ரவரி 23 ஆம் தேதி திரையரங்குகளில் வெளியானது. இப்படம் நாடுமுழுவதும் 1500 திரையரங்குகளில் 2200 திரைகளில் திரையிடப்பட்டது.

இந்த படம் ஜம்மு காஷ்மீருக்கு சிறப்பு அந்தஸ்து வழங்குவதற்காக ஏற்படுத்தப்பட்ட சட்டப்பிரிவு 370 ரத்து செய்யப்பட்டத்தை மையமாக வைத்து எடுக்கப்பட்டது.

இப்படத்தின் ட்ரைலர் வெளியானது முதலே இப்படத்தை குறித்த எதிர்பார்ப்பு அதிகமாகவே இருந்தது. இந்நிலையில் தற்போதும் கூட இப்படம் பட்டி தொட்டியெங்கும் பிரபலமாகி வருகிறது.

அதற்கு ஒரு வகையில் பாரத பிரதமர் மோடி காரணமாக உள்ளார். அதாவது ஒரு நிகழ்ச்சியில் பாரத பிரதமர் நரேந்திர மோடி இப்படம் குறித்து பாராட்டி பேசினார்.

இதுகுறித்து பேசிய அவர், ” 370 வது சட்ட பிரிவை நீக்கியதன் மூலம் ஜம்மு காஷ்மீர் வேகமாக வளர்ந்து வருகிறது. 370வது சட்டப்பிரிவு நீக்கப்பட்டது குறித்து ஆர்ட்டிகிள் 370 என்னும் திரைப்படம் வெளிவரவுள்ளதாக கேள்விப்பட்டேன்.

அந்த படம் எப்படி இருக்கும் என தெரியாது ஆனால் காஷ்மீர் பற்றிய உண்மைகள் நாட்டுமக்கள் அனைவர்க்கும் தெரியவரும் ” என கூறியிருந்தார்.

இந்நிலையில் தெலுங்கானா மாநிலம் சங்கரெட்டியில் நடைபெற்ற பேரணியில் பேசிய பிரதமர் நரேந்திர மோடி, யாமி கவுதம் நடித்த 370வது சட்டப்பிரிவை மீண்டும் பாராட்டினார்.

இதுகுறித்து பேசிய அவர், ” ஜம்மு காஷ்மீரில் இருந்து 370வது சட்டப்பிரிவை திரும்பப் பெறுவதாக நாங்கள் உறுதியளித்தோம். அந்த வாக்குறுதியை பாஜக நிறைவேற்றியது” என கூறினார்.

மேலும் அவர், “ஆர்ட்டிகிள் 370 படம் பிரபலமடைந்து வருகிறது. மக்கள் இதுபோன்ற பிரச்சினைகளில் ஆர்வம் காட்டுவது இதுவே முதல் முறை, இது போன்ற திரைப்படங்களுக்கு நன்றி. அயோத்தியில் பிரமாண்ட கோவிலில் ராமரை வரவேற்பதாகவும் உறுதியளித்தோம். இந்த வாக்குறுதியும் நிறைவேற்றப்பட்டுள்ளது” கூறினார்.

இப்படம் வெளியாகிய முதல் நாளில் ரூ. 5.75 கோடி வசூலை குவித்தது . அரசியல் ரீதியான விமர்சனங்களை பெற்று வரும் இந்த படம் தொடர்ந்து வசூலைக் குவித்து வருகிறது.