போதைப் பொருள் தயாரிக்கப் பயன்படுத்தப்படும் முக்கிய வேதிப் பொருளான சூடோபெட்ரினை தேங்காய் பவுடர் மற்றும் ஹெல்த் மிக்ஸ் பாக்கெட்களில் மறைத்து வைத்து, நியூசிலாந்து, ஆஸ்திரேலியா உள்ளிட்ட நாடுகளுக்கு திமுக மாஜி நிர்வாகி ஜாபர் சாதிக் தலைமையிலான கும்பல் கடத்தி வந்தது.
இது தகவல் அறிந்த டெல்லி போதைப் பொருள் தடுப்புப் பிரிவு போலீசார், டெல்லி கைலாஷ் பார்க் பகுதியில் வைத்து, சென்னையைச் சேர்ந்த முகேஷ், முஜிபுர், விழுப்புரம் அசோ குமார் ஆகிய 3 பேரை கைது செய்தனர்.
அவர்களிடம் இருந்து சுமார் ரூ. 2000 கோடி மதிப்புள்ள போதைப் பொருட்கள் தயாரிக்கப் பயன்படும் 50 கிலோ வேதி பொருட்களைப் பறிமுதல் செய்தனர்.
கடத்தலுக்கு மூளையாகச் செயல்பட்டவர் திரைப்படத் தயாரிப்பாளரும், திமுக சென்னை மேற்கு மாவட்ட அயலக அணி துணை அமைப்பாளராக இருந்த ஜாபர் சாதிக் என என டெல்லி போதை தடுப்புப் பிரிவு போலீசார் கண்டறிந்தனர்.
இதனையடுத்து, ஜாபர் சாதிக் 26 -ம் தேதி டெல்லி போதை பொருள் தடுப்புப் பிரிவு அலுவலகத்தில் நேரில் ஆஜராகச் சம்மன் அனுப்பினர். அவரது வீட்டிலும் நோட்டீஸ் ஒட்டினர். ஆனால் ஜாபர் சாதிக் தொடர்ந்து தலைமறைவாக இருந்து வந்தார்.
இந்த நிலையில், ராஜஸ்தான் மாநிலம் ஜெய்ப்பூரில் தலைமறைவாக இருந்த ஜாபர் சாதிக்கை டெல்லி போலீசார் கைது செய்துள்ளனர்.
இந்த நிலையில், ஜாபர் சாதிக்கின் சகோதரர்களான மைதீன் மற்றும் சலீம் ஆகியோருக்கு எதிராக டெல்லி மத்திய போதைப் பொருள் தடுப்புப் பிரிவு போலீசார் லுக் அவுட் நோட்டீஸ் வழங்கியுள்ளது.
ஜாபர் சாதிக்கிற்கு மூலையாகச் செயல்பட்டவர்கள் ஜாபர் சாதிக்கின் சகோதரர்களான மைதீன் மற்றும் சலீம் எனச் சந்தேகப்படுகிறது டெல்லி போதை தடுப்புப் பிரிவு போலீசார். இதனால், அவர்கள் இருவரையும் விசாரித்தால் மேலும் பல உண்மைகள் கிடைக்கும் என்று நம்புகின்றனர்.
இதனால், ஜாபர் சாதிக்கின் சகோதரர்களான மைதீன் மற்றும் சலீம் ஆகியோருக்கு எதிராக டெல்லி போதைப் பொருள் தடுப்புப் பிரிவு போலீசார் லுக் அவுட் நோட்டீஸ் வழங்கியுள்ளனர்.
இதனால், ஜாபர் சாதிக்கின் சகோதரர்களான மைதீன் மற்றும் சலீம் ஆகியோரும் கைது செய்ய வாய்ப்பு உள்ளதாக, டெல்லியில் இருந்து வரும் தகவல்கள் தெரிவிக்கின்றன.
