அரியானா முதல்வராக அம்மாநில பாஜக மாநில தலைவர் நயாப் சிங் சைனி பதவியேற்றுள்ளார். அவருக்கு ஆளுநர் பதவிப்பிரமாணம் செய்து வைத்தார்.
கடந்த 2018ஆம் ஆண்டு நடைபெற்ற சட்டப்பேரவை தேர்தலில் மொத்தமுள்ள 90 தொகுதிகளில் 40 தொகுதிகளை பாஜக கைப்பற்றியது. ஜனநாயக ஜனதா கட்சி 10 இடங்களில் வெற்றி பெற்றது. இதனையடுத்து அந்த கட்சி ஆதரவுடன் பாஜக கூட்டணி ஆட்சி ஆட்சியமைத்தது.
இந்நிலையில், அரியானா மாநிலத்தில் வரும் அக்டோபர் மாதம் சட்டப்பேரவை தேர்தல் நடைபெறவுள்ளது. மக்களவை தேர்தல் தொடர்பாக பாஜக ஜனநாயக ஜனதா் கட்சி இடையே கூட்டணி பேச்சுவார்த்தை நடைபெற்று வந்தது. இதில் உடன்பாடு எட்டப்படவில்லை என தெரிகிறது. இதனையடுத்து முதலமைச்சர் மனோகர் லால் கட்டர் மற்றும் அமைச்சர்கள் தங்களது பதவியை இன்று ராஜினாமா செய்தனர்.
இதனிடையே சுயேட்சை எம்எல்ஏக்கள் ஆதரவுடன் பாஜக மீண்டும் ஆட்சி அமைத்துள்ளது. ராஜ் பவனில் நடைபெற்ற விழாவில் அரியானா மாநில பாஜக தலைவர் நயாப் சிங் சைனிக்கு ஆளுநர் பதவிப்பிரமாணம் செய்து வைத்தார். மேலும் அவருடன் சிலர் அமைச்சர்களாக பதவி பிரமாணம் எடுத்துக்கொண்டனர். முன்னதாக நடைபெற்ற பாஜக எம்எல்ஏக்கள் கூட்டத்தில் நயாப் சிங் சைனி பாஜக சட்டமன்ற கட்சி தலைவராக தேர்வு செய்யப்பட்டார்.
