மகளிர் பிரீமியர் லீக் தொடரில் மும்பை இந்தியன்ஸ் எதிரான போட்டியில் 7 விக்கெட்கள் வித்தியாசத்தில் ராயல் சேலஞ்சர்ஸ் பெங்களூரு அணி வெற்றி பெற்றது.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் 19-வது போட்டி நேற்று டெல்லி அருண் ஜெட்லி மைதானத்தில் நடைபெற்றது. இதில் ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் விளையாடியது.
இதில் டாஸ் வென்ற ராயல் சேலஞ்சர்ஸ் பெங்களூரு அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த மும்பை இந்தியன்ஸ் அணி 19 ஓவர்களில் அனைத்து விக்கெட்களையும் இழந்து 113 ரன்களை எடுத்து ஆட்டமிழந்தது.
இதில் அதிகபட்சமாக சஜீவன் சஜனா 30 ரன்களை எடுத்து ஆட்டமிழக்க ஹேலி மேத்யூஸ் 26 ரன்கள் எடுத்து ஆட்டமிழந்தார்.
பின்னர் களமிறங்கிய வீராங்கனைகள் அடுத்தடுத்து ஆட்டமிழக்க பிரியங்கா பாலா 19 ரன்களை எடுத்து கடைசிவரை ஆட்டமிழக்காமல் இருந்தார். இதனால் மும்பை இந்தியன்ஸ் அணி 19 ஓவர்கள் முடிவில் அனைத்து விக்கெட்களையும் இழந்து 113 ரன்களை மட்டுமே எடுத்தது.
ராயல் சேலஞ்சர்ஸ் பெங்களூரு அணியில் அதிகபட்சமாக எல்லிஸ் பெர்ரி 6 விக்கெட்களை வீழ்த்தினார். இதைத் தொடர்ந்து 114 ரன்கள் எடுத்தால் வெற்றி என்ற எளிய இலக்குடன் களமிறங்கியது ராயல் சேலஞ்சர்ஸ் பெங்களூரு அணி.
இதில் தொடக்க வீராங்கனைகளாக ஸ்ம்ரிதி மந்தனா மற்றும் சோஃபி மோலினக்ஸ் ஆகியோர் களமிறங்கினர். இதில் சோஃபி மோலினக்ஸ் 4வது ஓவரில் 9 ரன்கள் மட்டுமே எடுத்து ஆட்டமிழந்தார்.
அதேபோல் ஸ்ம்ரிதி மந்தனா 11 ரன்களை மட்டுமே எடுத்து ஆட்டமிழந்தார். தொடர்ந்து களமிறங்கிய சோஃபி டெவின் 4 விக்கெட்களில் ஆட்டமிழக்க 6வது ஓவர் முடிய பெங்களூரு அணி 39/3 என்ற நிலையில் இருந்தது.
பின்னர் களமிறங்கிய எல்லிஸ் பெர்ரி மற்றும் ரிச்சா கோஷ் கூட்டணி சிறப்பாக விளையாடி ரன்களை குவிக்க தொடங்கியது. இறுதியாக எல்லிஸ் பெர்ரி 5 பௌண்டரீஸ் மற்றும் 1 சிக்சர் என மொத்தமாக 40 ரன்களுடனும், ரிச்சா கோஷ் 36 ரன்களுடனும் ஆட்டமிழக்காமல் இருந்தனர்.
15 ஓவர்கள் முடிய பெங்களூர் அணி 3 இக்கெட்கள் இழப்பிற்கு 115 ரன்களை எடுத்து வெற்றி பெற்று பிளே ஆப் சுற்றுக்கு தகுதி பெற்றது. மேலும் இப்போட்டியில் ஆட்டநாயகி விருது ராயல் சேலஞ்சர்ஸ் பெங்களூரு அணியின் எல்லிஸ் பெர்ரிக்கு வழங்கப்பட்டது.
