புதிய தேர்தல் ஆணையர்களாக நியமிக்கப்பட்ட சுக்வீர் சிங் சந்து, ஞானேஷ் குமார் ஆகிய இருவரும் இன்று பொறுப்பேற்றுக்கொண்டனர்.
தேர்தல் ஆணையராக பணியாற்றி வந்த அனூப் சந்திர பாண்டே கடந்த பிப்ரவரி 15-ம் தேதி ஓய்வு பெற்றார்.மற்றொரு தேர்தல் ஆணையரான அருண் கோயல் கடந்த 9-ம் தேதி ராஜினாமா செய்தார்.
இதனைத்தொடரந்து மத்திய சட்ட அமைச்சர் அர்ஜுன் ராம் மேக்வால், மத்திய உள்துறை செயலர், மத்திய பணியாளர் நலத் துறை செயலர் அடங்கிய குழு, தேர்தல் அதிகாரிகளின் பெயர்களை மத்திய அரசுக்கு பரிந்துரை செய்தது.
இதனைத்தொடர்ந்து பிரதமர் நரேந்திர மோடி தலைமையிலான உயர்நிலை குழு கூட்டம் கூடி சுக்வீர் சிங் சந்து, ஞானேஷ் குமார் ஆகிய இருவரை தேர்தல் ஆணையர்களாக தேர்வு செய்தது. இதற்கு குடியரசுத்தலைவர் திரௌபதி முர்மு ஒப்புதல் அளித்துள்ளார்.
இந்நிலையில், தேர்தல் ஆணையர்களாக நியமிக்கப்பட்ட இருவரும் டெல்லி தலைமை தேர்தல் ஆணையத்தில் இன்று முறைப்படி பொறுப்பேற்றுக்கொண்டனர். அவர்களுக்கு இந்திய தலைமை தேர்தல் ஆணையர் ராஜீவ் குமார் வாழ்த்து தெரிவித்தார்.
