தமிழகத்தில் ஏப்ரல் 19-ம் தேதி வாக்குப்பதிவு நடைபெற உள்ளது. இதனால் அன்றைய தினம் பொது விடுமுறையாக தமிழக அரசு அறிவிக்க உள்ளது.
17-வது மக்களவையின் பதவிக்காலம் 2024-ம் ஆண்டு ஜூன் 16-ம் தேதியுடன் முடிவடைகிறது. இதையடுத்து புதிய மக்களவை அமைக்க புதிதாக தேர்தல் நடத்தப்பட உள்ளது.
இந்த நிலையில், 18-வது மக்களவைக்கான தேர்தல் தேதியை இந்திய தேர்தல் ஆணையம் மார்ச் 16-ம் தேதி அறிவித்தது.
அந்த வகையில், மக்களவைத் தேர்தல் 543 தொகுதிகளுக்கு 7 கட்டங்களாக நடைபெறுகிறது. முதல் கட்ட வாக்குப் பதிவு ஏப்ரல் 19 -ம் தேதி நடைபெறுகிறது. இறுதி மற்றும் 7வது கட்ட வாக்குப்பதிவு ஜூன் 1-ம் தேதி நடைபெறுகிறது. இதில், தமிழகத்தில் ஏப்ரல் 19-ம் தேதியான வெள்ளிக்கிழமை வாக்குப்பதிவு நடைபெற உள்ளது.
இதனால், அன்றைய அரசு தினம் பொது விடுமுறை தினமாக அறிவிக்கப்பட உள்ளது. இதற்கான அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
