அமெரிக்காவில் ஸ்ட்ராபெர்ரி சாப்பிட்டு உயிரிழந்த சிறுவன் : காரணம் என்ன?

அமெரிக்காவில் 8 வயது சிறுவன் ஒருவன் ஸ்ட்ராபெர்ரி சாப்பிட்டு உயிரிழந்த சம்பவம் அப்பகுதியில் அதிர்ச்சியை ஏற்படுத்தியுள்ளத்து.

அமெரிக்காவில் உள்ள கென்டக்கி மாகாணத்தில், மேடிசன்வில்லி என்ற நகரின் நார்த் ஹாப்கின்ஸ் என்று பள்ளி ஒன்று உள்ளது.

இந்த பள்ளியில் கடந்த மார்ச் 14ஆம் தேதி இரவு ஒரு நிதி திரட்டும் நிகழ்ச்சி நடைபெற்றுள்ளது. இந்த நிகழ்ச்சியில் கலந்துகொண்ட 8 வயது சிறுவன் ஒருவன் பல ஸ்ட்ராபெர்ரி பழங்களை சாப்பிட்டுள்ளான்.

இந்நிலையில் இந்த நிகழ்ச்சி நடைபெற்ற அடுத்த நாள் காலையில் அந்த சிறுவன் பேச்சு மூச்சற்று வீட்டில் இருந்துள்ளான்.

அதேபோல் ஸ்ட்ராபெர்ரி சாப்பிட்டு கொஞ்ச நேரத்தில் அந்த சிறுவனுக்கு அரிப்பு போன்ற அலர்ஜி ஏற்பட்டுள்ளது.

இந்த அறிகுறிகளை கண்ட பெற்றோர் உடனே அந்த சிறுவனை Benadryl என்ற மருந்தை கொடுத்து குளிப்பாட்டியதாக பெற்றோர் தெரிவித்துள்ளனர்.

ஆனால் அந்த அரிப்பு மோசமானதை தொடர்ந்து இரவு 10.30 மணியளவில் அருகில் இருந்த மருத்துமனையில் சிகிச்சைக்கு அழைத்து சென்றுள்ளனர். பின்னர் சிகிச்சை முடிந்து சிறுவன் வீட்டிற்கு அழைத்து வரப்பட்டுள்ளான்.

அடுத்த நாள் காலையில் பள்ளி செல்லுவதற்காக சிறுவனை பெற்றோர் எழுப்பியபோது அவன் எவ்வித பதிலும் சொல்லாமல் பேச்சுமூச்சற்று இருந்துள்ளான்.

இதை தொடர்ந்து அவன் உயிரிழந்ததை அறிந்த பெற்றோர் போலீஸ் அதிகாரிகளிடம் தகவல் தெரிவித்துள்ளனர். அந்த சிறுவனின் மரணத்திற்கு பின் உடற்கூராய்வில் அந்த சிறுவன் அலர்ஜியால் உயிரிழந்தான் என தெரியவந்தது.

இதுகுறித்து அவனது உடலை ஆராய்ந்த மருத்துவர், அந்த சிறுவனுக்கு ஸ்ட்ராபெர்ரி அலர்ஜி என இந்த சம்பவங்கள் மூலம் தெரியவருகிறது என்று சந்தேகமாக கூறினார்.

மேலும் அந்த சிறுவனுக்கு ஸ்ட்ராபெரி அலர்ஜி இருக்கிறதா இல்லையா என்பது கண்டறியப்படவில்லை எனவும் போலீசார் தெரிவித்துள்ளனர்.

சிறுவன் மரணத்திற்கு பிறகு, ஹாப்கின்ஸ் நிதி திரட்டல் நிகழ்ச்சியில் கொடுக்கப்பட்ட ஸ்ட்ராபெர்ரியை யாரும் சாப்பிட வேண்டாம் என போலீசார் அறிவுரை வழங்கி உள்ளனர்.

மேலும், மருத்துவத்துறை வெளியிட்ட செய்தி அறிக்கையில்,”தற்போது பொது மருத்துவத்துறை கென்டக்கியின் உள்ள ஸ்ட்ராபெர்ரிகளை பரிசோதித்து வருகின்றன. இது தற்செயலான சம்பவம் என்றாலும் முன்னெச்சரிக்கை காரணங்களுக்காக யாரும் தற்போதைக்கு ஸ்ட்ராபெர்ரிகளை உண்ண வேண்டாம்” என தெரிவித்துள்ளது.

இதனால் அமெரிக்காவில் ஸ்ட்ராபெர்ரி பழத்திற்கு தடை விதிக்கப்படும் என்றும் கூறிப்படுகிறது.