மக்களவைத் தேர்தலுக்கான ஐந்தாவது கட்ட வேட்பாளர் பட்டியலை பாரதிய ஜனதா கட்சி வெளியிட்டுள்ளது. 111 தொகுதிகளுக்கான வேட்பாளர்களின் பெயர்கள் அடங்கிய இந்தப் பட்டியலில் ஹரியானாவின் குருஷேத்ரா தொகுதியில் நவீன் ஜிண்டால், ஹிமாச்சலின் மண்டி தொகுதியில் நடிகை கங்கனா ரணாவத் மற்றும் மீரட் தொகுதியில் அருண் கோவில் ஆகியோர் போட்டியிடுகின்றனர்.
543 மக்களவைத் தொகுதிகளுக்கு ஏப்ரல் 19-ந் தேதி முதல் 7 கட்டங்களாக தேர்தல் நடைபெற உள்ளது. இத்தேர்தலில் பதிவாகும் வாக்குகள் ஜூன் 4-ந் தேதி எண்ணப்பட்டு முடிவுகள் அறிவிக்கப்படும். முதல் கட்ட தேர்தல் நடைபெறும் தமிழ்நாடு உள்ளிட்ட மாநிலங்களின் 102 தொகுதிகளில் வேட்பு மனுத் தாக்கல் நடைபெற்று வருகிறது.
18-வது மக்களவைத் தேர்தலில் போட்டியிடும் மத்தியில் ஆளும் பாஜகவின் வேட்பாளர்கள் அடுத்தடுத்து அறிவிக்கப்பட்டுள்ளனர். பாஜகவின் 5-வது வேட்பாளர் பட்டியல் நேற்று வெளியிடப்பட்டது. மொத்தம் 111 வேட்பாளர்களுடன் இந்த 5-வது பட்டியல் வெளியிடப்பட்டது. பாஜக இதுவரை மொத்தம் 398 வேட்பாளர்களை அறிவித்துள்ளது.
The Central Election Committee of the Bharatiya Janata Party has decided on the following names for the upcoming General Elections to the Lok Sabha. Here is the fifth list. (3/3) pic.twitter.com/t88Ge9Vtmd
— BJP (@BJP4India) March 24, 2024
பிரதமர் மோடியின் ரசிகை என்று சொல்லுக்கொள்ளும் பிரபல பாலிவுட் நடிகை கங்கனா ரனாவத், ராமாயணம் டிவி சீரியலில் ராமனாக நடித்த அருண் கோவில், ஆகியோர் இந்தத் தேர்தலில் முதல் முறையாகக் களம் காண உள்ளனர். பாஜகவில் இணைந்துள்ள முன்னாள் காங்கிரஸ் எம்.பி. நவீன் ஜிண்டாலுக்கும் சீட் கொடுக்கப்பட்டுள்ளது.
The Central Election Committee of the Bharatiya Janata Party has decided on the following names for the upcoming General Elections to the Lok Sabha. Here is the fifth list. (3/3) pic.twitter.com/t88Ge9Vtmd
— BJP (@BJP4India) March 24, 2024
மேனகா காந்தி சுல்தான்பூர் தொகுதியில் மீண்டும் போட்டியிடுகிறார். காங்கிரஸ் எம்.பி. ராகுல் காந்தி போட்டியிடும் வயநாட்டில் அவரை எதிர்த்து கே.சுரேந்திரன் போட்டியிடுகிறார்.
உஜியார்பூரில் நித்யானந்த் ராய், பாட்னா சாஹிப்பில் ரவிசங்கர் பிரசாத், பெலகாமில் ஜெகதீஷ் ஷெட்டர், சம்பல்பூரில் தர்மேந்திர பிரதான், பூரியில் சம்பித் பத்ரா, பிலிபிட்டில் ஜிதின் பிரசாதா, தம்லுக்கில் நீதிபதி அபிஜித் கங்கோபாத்யா மற்றும் துர்காபூரில் திலிப் க்மான்ஹோஸ்தாய் ஆகியோர் பாஜக வேட்பாளர்களாக அறிவிக்கப்பட்டுள்ளனர்.
