ஐபிஎல் தொடரில் நேற்று நடைபெற்ற போட்டியில் கொல்கத்தா நைட் ரைடர்ஸ் அணி 7 விக்கெட்கள் வித்தியாசத்தில் ராயல் சேலஞ்சர்ஸ் பெங்களூரு அணியை வீழ்த்தி வெற்றி பெற்றது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துகொண்டுள்ளன.
இந்தத் தொடரின் 9 வது போட்டி நேற்று பெங்களூருவில் உள்ள எம். சின்னசாமி மைதானத்தில் ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் அணிகளுக்கு இடையே நடைபெற்றது.
இதில் டாஸ் வென்ற கொல்கத்தா நைட் ரைடர்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 6 விக்கெட்கள் இழப்பிற்கு 182 ரன்களை எடுத்தது.
ராயல் சேலஞ்சர்ஸ் பெங்களூரு அணியில் அதிகபட்சமாக தொடக்க வீரராக களமிறங்கிய விராட் கோலி 4 பௌண்டரீஸ் மற்றும் 4 சிக்சர்கள் என மொத்தமாக 83 ரன்களை எடுத்து கடைசி வரை ஆட்டமிழக்காமல் இருந்தார்.
மற்றொரு தொடக்க வீரரான ஃபாஃப் டு பிளெசிஸ் 8 ரன்களில் ஆட்டமிழக்க, கேமரூன் கிறீன் 33 ரன்களும், கிளென் மாக்ஸ்வெல் 28 ரன்களும் எடுத்து ஆட்டமிழந்தனர்.
பின்னர் களமிறங்கிய தினேஷ் கார்த்திக் 20 ரன்கள் எடுத்து ஆட்டமிழந்தார். இதனால் ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 6 விக்கெட்கள் இழப்பிற்கு 182 ரன்களை எடுத்தது.
கொல்கத்தா நைட் ரைடர்ஸ் அணியில் அதிகபட்சமாக ஹர்ஷித் ராணா மற்றும் ஆண்ட்ரே ரஸ்ஸல் ஆகியோர் தலா 2 விக்கெட்களை வீழ்த்தினர்.
அதேபோல் சுனில் நரேன் 1 விக்கெட் வீழ்த்தினார். இதை தொடர்ந்து களமிறங்கிய கொல்கத்தா நைட் ரைடர்ஸ் அணி ஆரம்பம் முதலே அதிரடியாக விளையாடி வந்தது.
கொல்கத்தா நைட் ரைடர்ஸ் அணியில் தொடக்க வீரர்களாக களமிறங்கிய ஃபில் சால்ட் 30 ரன்களும் மற்றொரு தொடக்க வீரரான சுனில் நரேன் 2 பௌண்டரீஸ் மற்றும் 5 சிக்சர்கள் என மொத்தமாக 47 ரன்களும் எடுத்து ஆட்டமிழந்தனர்.
பின்னர் களமிறங்கிய வெங்கடேஷ் ஐயர் 3 பௌண்டரீஸ் மற்றும் 4 சிக்சர்கள் என மொத்தமாக 50 ரன்களை எடுத்து ஆட்டமிழக்க ஸ்ரேயாஸ் ஐயர் 39 ரன்களை எடுத்து கடைசிவரை ஆட்டமிழக்காமல் இருந்தார்.
இதனால் 17-வது ஓவரில் கொல்கத்தா நைட் ரைடர்ஸ் அணி 3 விக்கெட்கள் இழப்பிற்கு 186 ரன்களை எடுத்து வெற்றி பெற்றது.
மேலும் இந்த போட்டியில் ஆட்டநாயக விருது 47 ரன்களும், 1 விக்கெட்டும் வீழ்த்திய கொல்கத்தா நைட் ரைடர்ஸ் அணியின் வீரர் சுனில் நரேன்னுக்கு வழங்கப்பட்டது.
