தமிழ் திரையுலகின் முன்னணி நடிகரான சூப்பர் ஸ்டார் ரஜினி காந்த் மஞ்சுமெல் பாய்ஸ் படக்குழுவை நேரில் சந்தித்துப் பாராட்டியுள்ளார்.
கொடைக்கானலில் உள்ள குணா குகை எனப்படும் டெவில்ஸ் கிட்சேன் குகையில் நடந்த ஒரு உண்மை சம்பவத்தை வைத்து மஞ்சுமேல் பாய்ஸ் என்ற மலையாள படம் கேரளாவில் எடுக்கப்பட்டுள்ளது.
இப்படத்தைச் சிதம்பரம் எஸ்.பொடுவேல் என்பவர் இயக்கியுள்ளார். சோபின் ஷாஹிர், ஸ்ரீநாத் பாசி, பாலு வர்கீஸ், கணபதி உள்ளிட்ட பலர் இப்படத்தில் நடித்துள்ளனர். இப்படம், தமிழகத்தில் உள்ள கொடைக்கானலில் படமாக்கப்பட்டுள்ளது. அதுவும் 101 நாட்களுக்குள் இதன் படப்பிடிப்பு முடிந்துள்ளது.
இப்படம் பிப்ரவரி 22 ஆம் தேதி வெளியாகி ரசிகர்களிடையே நல்ல வரவேற்பைப் பெற்றது. மேலும் இப்படம் மக்களிடையே பெரிய தாக்கத்தை ஏற்படுத்தியுள்ளது. ஏனெனில் இப்படம் ஒரு உண்மை கதையை மையமாக வைத்து எடுக்கப்பட்டுள்ளது.
அதேபோல் இப்படத்தில் நடித்தவர்கள் உண்மையான மஞ்சுமெல் பாய்ஸ் போன்று உணர்வுப் பூர்வமாக நடித்துள்ளனர். இதனால் பல்வேறு தரப்பினரிடம் இருந்தும் இப்படத்திற்கு வாழ்த்துகளும், பாராட்டுகளும் குவிந்து வருகிறது.
இந்நிலையில் தமிழ் திரையுலகின் முன்னணி நடிகரான சூப்பர் ஸ்டார் ரஜினி காந்த் மஞ்சுமெல் பாய்ஸ் படக்குழுவை நேரில் சந்தித்துப் பாராட்டியுள்ளார். இதுகுறித்து புகைப்படங்கள் இணையத்தில் வைரலாகி வருகிறது.
