2024 ஐபிஎல் தொடரின் இன்றைய முதல் போட்டியில் குஜராத் டைட்டன்ஸ் மற்றும் சன் ரைசஸ் ஐதராபாத் அணிகள் மோதுகின்றன.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துகொண்டுள்ளன.
இன்றைய நாள் ஐபிஎல் தொடரின் இரண்டு போட்டிகள் நடைபெறவுள்ளது. அதில் முதல் போட்டி மதியம் 3.30 மணியளவில் அகமதாபாத், நரேந்திர மோடி மைதானத்தில் குஜராத் டைட்டன்ஸ் மற்றும் சன் ரைசஸ் ஐதராபாத் அணிகளுக்கு இடையே நடைபெறவுள்ளது.
இவ்விரு அணிகளுக்கு இடையேயான போட்டியில் குஜராத் கெய்ன்ட்ஸ் அணி 2 போட்டிகளிலும், சன் ரைசஸ் ஐதராபாத் அணி 1 போட்டியிலும் வெற்றி பெற்றுள்ளது.
அதேபோல் அகமதாபாத் நரேந்திர மோடி மைதானத்தில் இவ்விரு அணிகளும் 1 முறை மட்டுமே விளையாடியுள்ளது. அதில் குஜராத் டைட்டன்ஸ் அணியே வெற்றி பெற்றது.
குஜராத் டைட்டன்ஸ் அணி நரேந்திர மோடி மைதானத்தில் மொத்தம் 11 போட்டிகளில் விளையாடியுள்ளது. இதில் குஜராத் டைட்டன்ஸ் அணி 7 போட்டிகளில் வெற்றி பெற்று 4 போட்டிகளில் தோல்வியடைந்துள்ளது.
மேலும் இன்றைய போட்டியில் சன் ரைசஸ் ஐதராபாத் அணி 51% வெற்றிக்கு வாய்ப்பு உள்ளதாகவும், குஜராத் டைட்டன்ஸ் அணி 49% வெற்றி பெறலாம் என இணைய கருத்துக்கணிப்பில் தெரிவிக்கப்பட்டுள்ளது.
