உலகின் மிக வயதான நபர் என்ற சாதனை படைத்தது கின்னஸ் புத்தகத்தில் இடம் பிடித்த வெனிசுலாவை சேர்ந்த ஜுவான் விசென்டே மரணமடைந்தார்.
கின்னஸ் உலக சாதனை புத்தகத்தில் 2022 ஆம் ஆண்டு உலகின் மிக வயதான நபர் என்ற சாதனையை படைத்த ஜுவான் விசென்டே பெரெஸ் மோரா தனது 114 வயதில் மரணமடைந்தார்.
1909 ஆம் ஆண்டு மே 27 ஆம் தேதி தென் அமெரிக்கா – வெனிசுலாவில் உள்ள டச்சிரா மாநிலத்தின் உள்ள ஒரு கிராமத்தில் பிறந்தார்.
குடும்பத்தில் 9வது பிள்ளையாக பிறந்த ஜுவான் விசென்டே பெரெஸ், அடுத்த மாதம் தனது 115வது பிறந்தநாளைக் கொண்டாடவிருந்தார்.
2022 ஆம் ஆண்டு பிப்ரவரி மாதம் 4ஆம் தேதியன்று, கின்னஸ் சாதனையின்படி, பெரெஸ் 112 வயது மற்றும் 253 நாட்கள் உயிருடன் இருக்கும் மிக வயதான மனிதராக அதிகார பூர்வமாக கின்னர் புத்தகத்தில் இடம் பிடித்தார்.
இந்த நிலையில் தற்போது உடல்நலக்குறைவால் பெரெஸ் மோரா மரணம் அடைந்தார். இவருக்கு 11 குழந்தைகள், 41 பேரக்குழந்தைகள் மற்றும் 30 கொள்ளுப் பேரக்குழந்தைகள் உள்ளனர்.
இவரது மறைவுக்கு அதிபர் நிகோலஸ் மதுரோ உள்ளிட்ட பலரும் இரங்கல் தெரிவித்து வருகின்றனர்.
