சென்னை சூப்பர் கிங்ஸ் அணிக்கு எதிரானப் போட்டியில் சன் ரைசஸ் ஐதராபாத் அணி 6 விக்கெட்கள் வித்தியாசத்தில் வெற்றி பெற்றது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துக் கொண்டுள்ளன.
இந்த தொடரின் 18-வது போட்டி நேற்று ராஜீவ் காந்தி மைதானத்தில் நடைபெற்றது. இதில் சென்னை சூப்பர் கிங்ஸ் மற்றும் சன் ரைசஸ் ஐதராபாத் அணிகள் விளையாடியது.
இதில் டாஸ் வென்ற சன் ரைசர்ஸ் ஹைதராபாத் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த சென்னை சூப்பர் கிங்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 165 ரன்களை எடுத்தது.
சென்னை சூப்பர் கிங்ஸ் அணியில் தொடக்க வீரராக களமிறங்கிய ரச்சின் ரவீந்திரா 12 ரன்களில் ஆட்டமிழக்க, ருத்ராஜ் 26 ரன்களை எடுத்து ஆட்டமிழந்தார்.
பின்னர் களமிறங்கிய ரஹானே 35 ரன்களும், சிவம் துபே 45 ரன்களும் எடுத்து ஆட்டமிழக்க பின்னர் களமிறங்கிய ஜடேஜா 31 ரன்கள் எடுத்து ஆட்டமிழக்காமல் இருந்தார்.
இறுதியாக சென்னை சூப்பர் கிங்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 165 ரன்களை எடுத்தது. பின்னர் களமிறங்கிய சன் ரைசஸ் ஐதராபாத் அணி 18.1 ஓவரில் 4 விக்கெட்கள் இழப்பிற்கு 166 ரன்களை எடுத்து வெற்றி பெற்றது.
இதில் அதிகபட்சமாக டிராவிஸ் ஹெட் 31 ரன்களும், அபிஷேக் சர்மா 37 ரன்களும், ஏடன் மார்க்கிடம் 50 ரன்னும் எடுத்தனர். இதனால் சன் ரைசஸ் ஐதராபாத் அணி 6 விக்கெட்கள் வித்தியாசத்தில் வெற்றி பெற்றது.
சென்னை சூப்பர் கிங்ஸ் அணியில் மொயீன் அலி 2 விக்கெட்களும், மஹீஸ் தீக்ஷனா மற்றும் தீபக் சஹர் தலா 1 விக்கெட்டும் வீழ்த்தினர். மேலும் இந்த போட்டியில் ஆட்டநாயகன் விருது அபிஷேக் ஷர்மாவுக்கு வழங்கப்பட்டது.
