காங்கிரஸ் தேர்தல் அறிக்கை பாகிஸ்தான் தேர்தலுக்கானது, இந்தியாவிற்கு அல்ல என அஸ்ஸாம் முதல்வர் ஹிமந்தா பிஸ்வா சர்மா காங்கிரசை கடுமையாக தாக்கியுள்ளார்.
அஸ்ஸாமில் செய்தியாளர்களிடம் பேசிய முதல்வர் ஹிமந்தா பிஸ்வா சர்மா,
“காங்கிரஸ் தேர்தல் அறிக்கை திருப்தி அரசியல் பற்றியது. இந்த திருப்திபடுத்தும் அரசியலைத்தான் நாங்கள் கண்டிக்கிறோம். முத்தலாக்கை யாரும் திரும்பப் பெற விரும்பவில்லை. குழந்தை திருமணத்தை மீண்டும் தொடர யாரும் விரும்பவில்லை.
யாரையும் 2-3 முறை திருமணம் செய்து கொள்ள யாரும் அனுமதிக்க மாட்டார்கள். இந்துக்களோ, முஸ்லிம்களோ அதை விரும்பவில்லை. இது காங்கிரஸின் மனநிலை.
சமூகத்தை பிளவுபடுத்தி மீண்டும் ஆட்சி அமைக்க நினைக்கிறார்கள். காங்கிரஸின் சமாதான அரசியலை நான் கண்டிக்கிறேன். காங்கிரஸின் தேர்தல் அறிக்கை பாகிஸ்தான் தேர்தலுக்காக உருவாக்கப்பட்டதே தவிர இந்தியாவிற்கு அல்ல என்ற உணர்வை அளிக்கிறது எனத் தெரிவித்தார்.
