‘நான் ஒரு பெருமைமிக்க இந்து’ – பாஜக வேட்பாளர் கங்கனா பதிலடி!

பொய் பிரச்சாரம் செய்த காங்கிரஸ் வேட்பாளர்களுக்கு பாஜக வேட்பாளர் கங்கனா பதிலடி கொடுத்துள்ளார்.

நாடாளுமன்ற மக்களவை தேர்தல் வரும் ஏப்ரல் 19-ஆம் தேதி தொடங்கி ஜூன் 1-ஆம் தேதி வரை நடைபெற உள்ளது. இதில் தமிழகத்தில் ஏப்ரல் 19 ஆம் தேதி தேர்தல் நடைபெறவுள்ளது.

நாடாளுமன்ற தேர்தல் நெருங்கிவரும் நிலையில், தமிழகத்தில் அரசியல் கட்சிகளின் தொடர்ந்து பிரசாரம் செய்து வருகின்றனர். பிரதமர் மோடி உள்ளிட்ட பா.ஜ.க. மூத்த தலைவர்கள் பா.ஜ.க. மற்றும் கூட்டணி கட்சி வேட்பாளர்களை ஆதரித்து பிரசாரத்தில் ஈடுபடுகின்றனர்.

I don’t consume beef or any other kind of red meat, it is shameful that completely baseless rumours are being spread about me, I have been advocating and promoting yogic and Ayurvedic way of life for decades now such tactics won’t work to tarnish my image. My people know me and…

— Kangana Ranaut (Modi Ka Parivar) (@KanganaTeam) April 8, 2024

இந்நிலையில் நடிகை கங்கனா ரனாவத் இமாச்சல பிரதேசத்தில் உள்ள மண்டி தொகுதியில் பா.ஜ.க. சார்பில் போட்டியிடுகிறார். இவர் தீவிரமாக பிரசாரம் மேற்கொண்டு வரும் நிலையில் தோல்வி பயத்தில் எதிர்க்கட்சிகள் இவர் மீது பொய் பிரச்சாரங்கள் செய்கின்றனர்.

அந்த வகையில் காங்கிரஸ் தலைவர் விஜய் வாடேட்டிவார், கங்கனா மாட்டிறைச்சி சாப்பிட்டதாகவும், மாட்டிறைச்சி சாப்பிடும் கங்கனா எனவும் பொய் பிரச்சாரம் செய்தனர்.

இந்த கருத்தால் ஆவேசமடைந்த கங்கனா, ‘இந்த செயல் வெட்கக்கேடானது என்றும், தனது செல்வாக்கை கெடுக்க முயற்சி நடக்கிறது’ என குற்றம் சாட்டினார்.

இந்நிலையில் நடிகை கங்கனா தனது எக்ஸ் வலைத்தளத்தில் பதிவு ஒன்றை வெளியிட்டுள்ளார். அதில், “நான் மாட்டிறைச்சி அல்லது வேறு எந்த வகையான சிவப்பு இறைச்சியையும் சாப்பிடுவதில்லை. என்னைப் பற்றி முற்றிலும் ஆதாரமற்ற வதந்திகள் பரப்பப்படுவது வெட்கக்கேடானது.

நான் பல தசாப்தங்களாக யோகி மற்றும் ஆயுர்வேத வாழ்க்கை முறையை ஆதரித்து, ஊக்குவித்து வருகிறேன். என் மக்களுக்கு என்னைப் பற்றி நன்றாக தெரியும். நான் ஒரு பெருமைமிக்க இந்து என்பது அவர்களுக்குத் தெரியும், அவர்களை எதுவும் தவறாக வழிநடத்த முடியாது, ஜெய் ஸ்ரீ ராம்” என கூறியுள்ளார்.