எதிர்காலத்தை வடிவமைப்பதில் இந்தியா முக்கிய பங்கு வகிக்கிறது, ஒருவர் “எதிர்காலத்தைப் பார்க்க விரும்பினால், இந்தியாவுக்கு வாருங்கள்” என்று இந்தியாவுக்கான அமெரிக்க தூதர் எரிக் கார்செட்டி தெரிவித்துள்ளார்.
டெல்லியில் நடைபெற்ற நிகழ்வில் இந்தியாவுக்கான அமெரிக்க தூதர் எரிக் கார்செட்டி பங்கேற்று உரையாற்றினார்.
கூட்டத்தில் பேசிய இந்தியாவுக்கான அமெரிக்க தூதர் எரிக் கார்செட்டி,
நீங்கள் எதிர்காலத்தைப் பார்க்க விரும்பினால், இந்தியாவுக்கு வாருங்கள். நீங்கள் எதிர்காலத்தை உணர விரும்பினால், இந்தியாவுக்கு வாருங்கள். நீங்கள் எதிர்காலத்தில் வேலை செய்ய விரும்பினால், இந்தியாவுக்கு வாருங்கள். இந்தியாவில் அமெரிக்க தூதரகத்தின் தலைவராக ஒவ்வொரு நாளும் அதைச் செய்யக்கூடிய பெரும் பாக்கியம் எனக்குக் கிடைத்துள்ளது எனத் தெரிவித்தார்.
அமெரிக்காவிற்கும் இந்தியாவிற்கும் இடையிலான ஒத்துழைப்பின் முக்கியத்துவத்தை வலியுறுத்திய கார்செட்டி, டெல்லியுடனான அதன் கூட்டாண்மையை, ஜோ பைடன் நிர்வாகம் பாராட்டுவதாக கூறினார். “நாங்கள் இங்கு கற்பிக்கவும் பிரசங்கிக்கவும் வரவில்லை. நாங்கள் கேட்கவும் கற்றுக்கொள்ளவும் இங்கு வருகிறோம்,”என்று அவர் கூறினார், இரு நாடுகளுக்கும் இடையிலான கருத்துக்கள், முன்முயற்சிகளின் பரஸ்பர பரிமாற்றத்தை எடுத்துக் கூறினார்.
2024 நிதியாண்டில் இந்தியாவின் வளர்ச்சி 8 சதவீதமாக இருக்கும் என்று கணிக்கப்பட்டுள்ள நிலையில், நாட்டின் தொழில் மற்றும் சேவைத் துறைகளின் செயல்பாடுகளின் அதிகரிப்பு காரணமாக அரசாங்கத்தின் மதிப்பீட்டை விட அதிகமாக இருக்கும் என்று அமெரிக்க தூதர் தெரிவித்துள்ளார்.
மேலும் அமெரிக்க-இந்தியா கூட்டாண்மையின் கீழ் பாதுகாப்பு மற்றும் தொழில்நுட்பம் உட்பட பல துறைகள் வளர்ந்துள்ளன என்பது குறிப்பிடத்தக்கது.
