இந்தியாவின் சந்திரயான்- 3 குழுவுக்கு அமெரிக்காவின் விண்வெளி ஆய்வுக்கான விருது வழங்கி கௌரவிக்கப்பட்டது.
நிலவை ஆராய்ச்சி செய்ய அனுப்பப்பட்ட சந்திரயான்-3 விண்கலம் கடந்த ஆண்டு ஆகஸ்ட் 23-ஆம் தேதி மாலை 6.04 மணிக்கு விண்கலத்தில் இருந்து பிரிந்து நிலவின் தென்துருவத்தில் வெற்றிகரமாக தரையிறக்கப்பட்டது. இதன் மூலம் நிலவின் தென் துருவத்தில் தரையிறங்கிய முதல் நாடு என்ற பெருமையை இந்தியா பெற்றது.
இந்நிலையில், அமெரிக்காவில் கொலரோடாவில் வருடாந்திர விண்வெளி கருத்தரங்கம் நடைபெற்றது. இந்த நிகழ்ச்சியில், விண்வெளி ஆராய்ச்சிக்காக, சந்திரயான்-3 திட்டக் குழுவுக்கு மிகவும் மதிப்புவாய்ந்த ஜான் எல்.’ஜேக் ஸ்விகெர்ட் ஜூனியர் விருது வழங்கி கௌரவிக்கப்பட்டது.
அந்த விருதை, ‘இஸ்ரோ’ சார்பில் ஹூஸ்டன் நகரில் உள்ள இந்திய துணை தூதர் டி.சி.மஞ்சுநாத் பெற்றுக்கொண்டார். இந்திய விஞ்ஞானிகளுக்கு பாராட்டு தெரிவிக்கப்பட்டது.
