3-ஆம் கட்ட நாடாளுமன்ற தேர்தலுக்கான வேட்பு மனுத்தாக்கல் இன்று தொடங்கியது.
2024 மக்களவைத் தேர்தலுக்கான முதல்கட்ட வாக்குப்பதிவு ஏப்ரல் 19ஆம் தேதி தொடங்குகிறது. ஏப்ரல் 19ஆம் தேதி தொடங்கி ஜூன் 1 வரை மொத்தம் ஏழு கட்டங்களாக தேர்தல் நடைபெற உள்ளது. வாக்கு எண்ணிக்கை ஜூன் 4ஆம் தேதி நடைபெறும் என அறிவிக்கப்பட்டுள்ளது.
தமிழ்நாடு மற்றும் புதுச்சேரியில் ஒரே கட்டமாக ஏப்ரல் 19-ம் தேதி வாக்குப்பதிவு நடைபெறுகிறது.
இதனிடையே 2-ம் கட்ட தேர்தலுக்கான வேட்பு மனு தாக்கல் நிறைவடைந்து பிரச்சாரம் நடந்து வரும் நிலையில், 2-ம் கட்ட வாக்குப்பதிவு வருகிற 26-ந்தேதி நடைபெறுகிறது.
இந்நிலையில், 3-ம் கட்ட தேர்தலுக்கான வேட்புமனு தாக்கல் இன்று தொடங்கியது. மொத்தம் 94 தொகுதிகளில் 3வது கட்டமாக மே 7ஆம் தேதி வாக்குப்பதிவு நடைபெறுகிறது. வரும் 19ம் தேதி வரை வேட்புமனுக்கள் பெறப்படுகின்றன.
20ம் தேதி வேட்பு மனுக்கள் பரிசீலனை செய்யப்படுகின்றன. 22ம் தேதி வரை வேட்புமனுக்களை திரும்ப பெற்றுக்கொள்ளலாம். இதைத்தொடர்ந்து மே 7ம் தேதி வாக்குப்பதிவு நடைபெறுகிறது.
