ஐபிஎல் தொடரின் 28-வது போட்டி கொல்கத்தா ஈடன் கார்டன்ஸ் மைதானத்தில் கொல்கத்தா நைட் ரைடர்ஸ் மற்றும் லக்னோ சூப்பர் ஜெய்ண்ட்ஸ் அணிககு இடையே நடைபெறவுள்ளது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இன்றைய நாள் இரண்டு போட்டிகள் நடைபெறவுள்ளது. இதில் முதல் போட்டி மத்திய 3.30 மணிக்கு கொல்கத்தாவில் உள்ள ஈடன் கார்டன்ஸ் மைதானத்தில் நடைபெறவுள்ளது.
இதில் கொல்கத்தா நைட் ரைடர்ஸ் மற்றும் லக்னோ சூப்பர் ஜெய்ண்ட்ஸ் அணிகள் விளையாடவுள்ளன. இதுவரை இவ்விரு அணிகளும் 3 போட்டிகளில் நேருக்கு நேர் மோதியுள்ளனர்.
இதில் லக்னோ சூப்பர் ஜெய்ண்ட்ஸ் அணி 3 போட்டிகளிலும் வெற்றி பெற்றுள்ளது. இதுவரை கொல்கத்தா நைட் ரைடர்ஸ் அணி லக்னோ அணியிடம் வெற்றி பெற்றதே இல்லை என்பது குறிப்பிடத்தக்கது.
மேலும் இந்த தொடரில் லக்னோ சூப்பர் ஜெய்ண்ட்ஸ் அணி தாங்கள் விளையாடிய 5 போட்டிகளில் 3 போட்டியில் வெற்றியும், 2 போட்டியில் தோல்வியும் அடைந்து புள்ளி பட்டியலில் 4 ஆம் இடத்தில் உள்ளது.
அதேபோல் கொல்கத்தா நைட் ரைடர்ஸ் அணி தங்கள் விளையாடிய 4 போட்டிகளில் 3 போட்டியில் வெற்றி பெற்று 1 போட்டியில் தோல்வியடைந்து புள்ளி பட்டியலில் 2 வது இடத்தில் உள்ளது.
அதேபோல் கொல்கத்தா நைட் ரைடர்ஸ் அணி ஈடன் கார்டன்ஸ் மைதானத்தில் இதுவரை 82 போட்டிகளில் விளையாடியுள்ளது. இதில் 48 போட்டிகளில் வெற்றியும், 34 போட்டியில் தோல்வியும் அடைந்துள்ளது.
அதேபோல் லக்னோ சூப்பர் ஜெய்ண்ட்ஸ் அணி ஈடன் கார்டன்ஸ் மைதானத்தில் இதுவரை 2 போட்டிகளில் விளையாடியுள்ளது. இதில் லக்னோ 1 போட்டியில் வெற்றியும், 1 போட்டியில் தோல்வியும் அடைந்துள்ளது.
மேலும் இன்றைய போட்டியில் கொல்கத்தா நைட் ரைடர்ஸ் அணி 57% வெற்றி பெறும் என்றும், லக்னோ சூப்பர் ஜெய்ண்ட்ஸ் அணி 43% வெற்றி பெறும் என்றும் இணையத்தில் பதிவிட்டுள்ளது.
