கொல்கத்தா வீரர்களுக்கு நடிகர் ஷாருகான் ஆறுதல்!

ஐபிஎல் தொடரின் நேற்றைய போட்டியில் தோல்வியடைந்த கொல்கத்தா நைட் ரைடர்ஸ் வீரர்களுக்கு ஆறுதல் தெரிவித்தார் நடிகர் ஷாருகான்.

ஐபிஎல் தொடரின் நேற்றைய போட்டி கொல்கத்தாவில் உள்ள ஈடன் கார்டன்ட்ஸ் மைதானத்தில் கொல்கத்தா நைட் ரைடர்ஸ் மற்றும் ராஜஸ்தான் ராயல்ஸ் அணிகளுக்கு இடையே நடைபெற்றது.

இந்த போட்டியில் டாஸ் வென்ற ராஜஸ்தான் ராயல்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த கொல்கத்தா நைட் ரைடர்ஸ் அணி 6 விக்கெட்கள் இழப்பிற்கு 223 ரன்கள் எடுத்தது.

இதை தொடர்ந்து களமிறங்கிய ராஜஸ்தான் ராயல்ஸ் அணி போராடி வெற்றி பெற்றது. வெற்றி பெற்றுவிடலாம் என்று நம்பிக்கையாக இருந்த கொல்கத்தா அணிக்கு பெரிய ஏமாற்றமாக இருந்தது.

இந்நிலையில் ராஜஸ்தான் அணி வெற்றிபெற்ற பின் மைதானத்திற்குள் வந்த ஷாரூக் கான், ராஜஸ்தான் மற்றும் கேகேஆர் அணி வீரர்களுக்கு வாழ்த்து கூறினார்.

இதன்பின் கேகேஆர் அணியின் ஓய்வறைக்கு சென்ற ஷாரூக் கான், விளையாட்டில் சில நேரங்களில் நாம் வெற்றி பெற தகுதியில்லாதவர்களாக இருப்போம். வாழ்க்கையும் அப்படிதான். மாறிக் கொண்டே இருக்கும்.

இந்த போட்டியில் நான் வெற்றிபெற்றிருக்க வேண்டும். ஏனென்றால் நமது வீரர்கள் அனைவரும் சிறப்பாக விளையாடினார்கள். நம்மை நினைத்து அனைவரும் பெருமை கொள்ள வேண்டும்.

இந்த தோல்விக்காக நாம் சோகமடைய தேவையில்லை. ஒவ்வொரு முறை ஓய்வறைக்கு வரும் போது, நம்பிக்கையுடன் மகிழ்ச்சியுடன் வர வேண்டும். அதனை எப்போதும் பின்பற்றுங்கள். வீரர்கள் அனைவரும் களத்தில் நட்புடன் இருக்கிறீர்கள்.

அதனை தொடர வேண்டும். குறிப்பாக கவுதம் கம்பீர், சோகமாக இருக்காதீர்கள் என்று ஆறுதல் தெரிவித்துள்ளார். இந்த வீடியோ சமூக வலைத்தளத்தில் வைரலாகி வருகிறது.