தென்காசியில் ரயில் நிலையத்தில் வாலிபர் தூக்கிட்டு தற்கொலை செய்து கொண்ட சம்பவம் அப்பகுதியில் பெரும் பரபரப்பை ஏற்படுத்தி உள்ளது.
பாவூர்சத்திரம் ரயில் நிலையத்தின் நடைமேடையில் ஆண் ஒருவர் தூக்கில் தொங்கியவாறு இறந்து கிடப்பதாக ரயில்வே நிலைய அதிகாரிக்கு தகவல் கிடைத்தது.
தகவலின்பேரில் விரைந்து வந்த ரயில்வே போலீசார் விசாரணை மேற்கொண்டனர். அப்போது உயிரிழந்தவர் திப்பனம்பட்டி கிராமத்தை சேர்ந்த காளிராஜா என்பதும், கட்டிட தொழிலாளி என்பதும் தெரியவந்தது.
காளிராஜாவின் உடலை கைபற்றிய அதிகாரிகள் நெல்லை அரசு மருத்துவமனைக்கு அனுப்பி வைத்தனர். தற்கொலைக்கான காரணம் குறித்து ரயில்வே போலீசார் விசாரணை மேற்கொண்டு வருகின்றனர்.
