சிவகங்கை மாவட்டம், கோவிலூர் பகுதியில் சேதமடைந்து காணப்படும் மேல்நிலை நீர்தேக்க தொட்டியை சீரமைத்து தர வேண்டும் என பொதுமக்கள் கோரிக்கை வைத்தனர்.
கோவிலூர் ஊராட்சியில் பொதுமக்களின் குடிநீர் தேவைக்காக, கடந்த 2013 ஆம் ஆண்டு மேல்நிலை நீர்தேக்க தொட்டி கட்டப்பட்டது.
10 ஆண்டுகள் கடந்த நிலையில் இந்த நீர் தேக்கத் தொட்டி பராமரிப்பு இன்றி மிகவும் சேதமடைந்த நிலையில் உள்ளது.
இதனால் நீர் தேக்கத் தொட்டி இடிந்து விழும் அபாயம் உள்ளதாகவும், ஊராட்சி நிர்வாகம் தலையிட்டு சீரமைக்கும் பணியை நடத்த வேண்டும் எனவும் பொதுமக்கள் கோரிக்கை வைத்தனர்.
