நடிகர் கமல்ஹாசன் நடத்திய கேளிக்கை விருந்தில் போதைப்பொருள் பயன்படுத்தப்பட்டதாக குற்றச்சாட்டு எழுந்துள்ளது அதிர்ச்சியளிப்பதாக தெலங்கானா முன்னாள் ஆளுநரும், தென்சென்னை தொகுதி பாஜக வேட்பாளருமான தமிழிசை சவுந்தர ராஜன் தெரிவித்துள்ளார்.
சென்னை கே.கே.நகரில் பாஜக சார்பில் தமிழிசை சவுந்தர ராஜன் நீர்மோர் பந்தலைத் திறந்து வைத்தார். இதனைத் தொடர்ந்து செய்தியாளர்களுக்குப் பேட்டியளித்த அவர், தமிழகத்தில் ஆயுதக் கலாச்சாரமும், போதைக் கலாச்சாரமும் அதிகரித்து வருவதாகக் கவலை தெரிவித்தார்.
