காங்கிரஸ் எம்பி ராகுல்காந்தியைப் புகழ்ந்து தனது எக்ஸ் தளத்தில் வெளியிட்டுள்ள பதிவை அதிமுக முன்னாள் அமைச்சர் செல்லூர் ராஜூ நீக்கியுள்ளார்.
அதிமுக முன்னாள் அமைச்சர் செல்லூர் ராஜூ தனது எக்ஸ் தளப் பக்கத்தில் காங்கிரஸ் எம்பி ராகுல் காந்தியின் வீடியோவைப் பகிர்ந்து, தான் பார்த்து நெகிழ்ந்து ரசித்த இளம் தலைவர் என பதிவிட்டிருந்தார். அந்த வீடியோவில், உணவகம் ஒன்றில் ராகுல் காந்தி மக்களுடன் அமர்ந்து சாப்பிடும் காட்சி இடம் பெற்றிருந்தது.
இந்த பதிவு சர்ச்சையை ஏற்படுத்திய நிலையில், ராகுல் காந்தியை புகழ்ந்ததில் எந்த உள்நோக்கமும் இல்லை என விளக்கமளித்தார். இந்நிலையில், ராகுலைப் புகழ்ந்து வெளியிட்ட பதிவை செல்லூர் ராஜூ தனது எக்ஸ் தளத்திலிருந்து நீக்கியுள்ளார். அதிமுகவிற்குள் அதிருப்தி எழுந்ததைத் தொடர்ந்து செல்லூர் ராஜூ இந்த பதிவை நீக்கியிருக்கலாம் என தகவல் வெளியாகியுள்ளது.
