திருவள்ளூர் மாவட்டம், திருநின்றவூரில் சிசிடிவி கேமராக்கள் முறையாக பராமரிக்கப்படாததால் குற்றச் சம்பவங்களை கண்டறிவதில் தொய்வு ஏற்படும் நிலை ஏற்பட்டுள்ளது.
திருநின்றவூர் தனியார் அருகே உள்ள ரவுண்டானாவில் பொருத்தப்பட்டுள்ள பெரும்பாலான சிசிடிவி கேமராக்கள் பழுதடைந்துள்ளன.
மேலும் சில கேமராக்கள் முறையாக பராமரிக்கப்படுவதில்லை எனவும் கூறப்படுகிறது.
இதனால் ஏதேனும் குற்றச் சம்பவங்கள் நிகழ்ந்தால் அருகே உள்ள தனியார் நிறுவனங்களின் சிசிடிவி காட்சிகளையே ஆய்வு செய்ய வேண்டிய சூழல் ஏற்பட்டுள்ளது.
