பொது சேவையில் பாஜகவும், லோக் ஜனசக்தி கட்சியும் இணைந்து செயல்படும் என பிரதமர் மோடி தெரிவித்துள்ளார்.
டெல்லியில் லோக் ஜனசக்தி தலைவரும், மத்திய அமைச்சருமான சிராக் பாஸ்வான், தனது கட்சி எம்.பி.க்களுடன் பிரதமர் மோடியை சந்தித்து பேசினார்.
இந்த சந்திப்பு குறித்து எக்ஸ் வலைதளத்தில் பதிவு செய்த பிரதமர் மோடி, ராம் விலாஸ் பாஸ்வான் தனது நெருங்கிய நண்பர் என்றும், அவரது ஆழமான ஆலோசனைகளை இந்த நேரத்தில் இழப்பதாகவும் தெரிவித்துள்ளார்.
ராம் விலாஸ் பாஸ்வானின் இடத்துக்கு அவரது மகன் சிராக் பாஸ்வான் உயர்ந்து, தந்தையின் நோக்கத்தைப் பூர்த்தி செய்வது மகிழ்ச்சியளிப்பதாகவும் பிரதமர் மோடி அந்தப் பதிவில் கூறியுள்ளார். பொது சேவையில் பாஜகவும், லோக் ஜனசக்தி கட்சியும் இணைந்து செயல்படும் என்றும் அதில் பிரதமர் மோடி தெரிவித்துள்ளார்.
