தேசிய தேர்வு முகமையை மேம்படுத்த பரிந்துரைக்கலாம்!

தேசிய தேர்வு முகமையை மேம்படுத்த மாணவர்களும், பெற்றோரும் தங்களது பரிந்துரைகளை அளிக்கலாம் என உயர்நிலைக் குழு அழைப்பு விடுத்துள்ளது.

நீட் தேர்வு சர்ச்சையைத் தொடர்ந்து தேசிய தேர்வு முகமையை மேம்படுத்த முன்னாள் இஸ்ரோ தலைவர் கே.ராதாகிருஷ்ணன் தலைமையில் 7 பேர் கொண்ட உயர்நிலைக் குழு ஏற்படுத்தப்பட்டது.

இந்தக் குழுவானது விரிவான ஆய்வு செய்து, மத்திய கல்வி அமைச்சகத்திடம் 2 மாதத்தில் ஆய்வறிக்கையை சமர்ப்பிக்கவுள்ளது.

இந்த நிலையில், தேசிய தேர்வு முகமையை மேம்படுத்த மாணவர்களும், பெற்றோரும் ஜூன் 27 முதல் ஜூலை 7-ஆம் தேதி வரை MyGov என்ற வலைதளம் வாயிலாக தங்களது பரிந்துரைகளை அளிக்கலாம் என மத்திய கல்வித அமைச்சகம் தெரிவித்துள்ளது.