இஸ்ரேல் பிரதமர் பெஞ்சமின் நெதன்யாகு இறந்துவிட்டதாக தொடர்ச்சியாக செய்தி பரவும் நிலையில், அதனை மறுக்கும் விதமாக மீண்டுமொரு வீடியோ வெளியிடப்பட்டுள்ளது.
ஈரான் தாக்குதலில் இஸ்ரேல் பிரதமர் பெஞ்சமின் நெதன்யாகு இறந்துவிட்டதாக செய்தி வெளியான நிலையில், இல்லை அப்படியொரு சம்பவம் நிகழவில்லை என்பதை உலகிற்கு தெரிவிக்கும் விதமாக காபி குடித்தவாறு பெஞ்சமின் நெதன்யாகு வீடியோ வெளியிட்டார். ஆனால், இது ஏஐயால் சித்தரிக்கப்பட்ட வீடியோ என தெரிவிக்கப்பட்ட நிலையில், சாலையோர கடைகளில் பொதுமக்களுடன் அவர் உரையாடியவாறு இரண்டாவது வீடியோ வெளியானது. இந்நிலையில், இஸ்ரேலுக்கான அமெரிக்க தூதர் மைக் ஹூகபியுடன் நெதன்யாகு கலந்தரையாடும் வீடியோவும் தற்போது வெளியாகியுள்ளது. தனது இறப்பு குறித்து வெளியாகும் செய்திகளை நெதன்யாகு கிண்டலடித்து பேசுவது போன்று இந்த வீடியோ வெளியாகியுள்ளது.
