சர்வதேச கணித ஒலிம்பியாட் போட்டியில் 4-ஆம் இடம்பெற்ற இந்திய அணிக்கு பிரதமர் மோடி பாராட்டு தெரிவித்துள்ளார்.
இதுதொடர்பாக அவர் எக்ஸ் தளத்தில் வெளியிட்டுள்ள பதிவில், சர்வதேச கணித ஒலிம்பியாட் போட்டியில் இந்தியா நான்காம் இடம் பிடித்தது மிகுந்த மகிழ்ச்சியையும் பெருமையையும் அளிப்பதாக கூறியுள்ளார்.
மேலும், இந்தப் போட்டியில் இந்திய அணி நான்கு தங்கம் மற்றும் ஒரு வெள்ளிப் பதக்கத்தை வென்றதை சுட்டிக்காட்டிய அவர், இளம் தலைமுறைக்கு இது ஊக்கம் அளிப்பதுடன், கணிதத்தை பிரபலப்படுத்தவும் உதவும் என்று குறிப்பிட்டுள்ளார்.
